وانتـم مطيـر مسجلينـن بـديـوان=من ضمن من ياخذ عن اصلـه هويـه
لا عندكـم زوده ولا فيـه نقـصـان=مـن ضمـن سكـان البـلاد العذيـه
امنٍ وامـان وخازيـن كـل شيطـان=وكـل العلـوم المرمسـات مغطـيـه
مير البعض منكم معه طولـت لسـان=صدورهـم بـأردى الكـلام محشيـه
ياللـي تكلـم بامتلاكـك لـلاوطـان=وتمغط حـدودك مـن ورى العاذريـه
من راس مالك كثرة الحكـي خسـران=لو حط لـه فـي كـل جـون هبيـه
يوم المزاحـم عنـد حلـوات الالبـان=والصلـب والصـمـان والجندلـيـه
يـوم اختلـط عـج السبيـا بدخـان=غادرتـو الديـره بنفسـن رضـيـه
جلع ضعنكـم مثـل طيـرن بجنحـان=سـرى بتالـي الليـل تسمـع حتيـه
عنهـا تحدتكـم كراديـس عجـمـان=وعـن النهـار اخترتـو الخرمسيـه
بالليـل غادرتوامـنـازل فنيـسـان=صارت مساري الليـل فيكـم سجيـه
واصبح مجزل عندكـم تقـل بستـان=وطويق وخشـوم الضواحـي حجيـه
وراكـان طرشلـه رسالـه لسلطـان=يقـول خليـت الـطـوال الـرويـه
خليت عشب الصلب يومـي بـالاردان=وحنـا توليـنـا علـيـه العشـيـه
نرعى مـن القرعـا لياجـو ساقـان=ومـن معـرج السوبـان للعوشزيـه
ودي عليك امسيـت ياذخـر وطبـان=حتـى تجيكـم يالـدويـش معبـيـه
وقبر الصييفي قـد جعلتـوه مزبـان=يـوم ارهقتكـم فزعتـن عامـريـه
مابيـن عجمـانٍ ومابيـن سبـعـان=لكـل منهـم قـد وسمكـم بكـيـه
والمعجزات العشر راحن خبـر كـان=مامنهـن اللـي باقيـن لـه بقـيـه
مفعولهـن عنـد المهمـات مـابـان=مافككـم مـن سلـبـت الدحملـيـه
بنت الامير اللي له انصـار واعـوان=والـزوج اميـر ومترفـه ومخبـيـه
تلة من الهودج ضحى مشـع الايمـان=وصارت لمـن جـر الغزيـه سبيـه
قامـت تلفـت للجماعـه والاخـوان=لـكـن ردتـكـم عليـهـا بطـيـه
وين اختفن العشر عن مطـرق البـان=مامنهـن اللـي فكـت العسوجـيـه
يازين ذلق الحكي مـن بيـن خـلان=علـى الصحـن والا علـى الشاذليـه
سوالفـن هـزلات ماهمـب بسمـان=من العشر سـوو قصتـن مسرحيـه
شتان بيـن الفعـل والقـول شتـان=محملكـم الشعـب السعـودي زريـه
ليـا صـار لخبارالمناويـخ مـيـزان=صفحـت طرفكـم بالهزايـم غنـيـه
اما الوفا بالعهد في ماضـي الازمـان=لكـم طريـقـه بالـوفـا شقلبـيـه
توفون وتغدرون في بعـض الاحيـان=اخباركـم مابيـن حسـنـه وسـيـه
مثل العهود السابقـه مـع صنيتـان=لا هـيـب سـريـه ولا منجـويـه
قلتـو للميـدان يـنـزل حمـيـدان=والخيـل قـرح والـريـادي مـديـه
ويوم اختلط عج الرمك وادهـم الـزان=ضاقت على المطـران نجـد الفضيـه
وقمتـو تديـرون الروابـع بالاذهـان=وكلـن شعـم نـاره بجنـب جعريـه
وغادرتـو الميـدان مـن قبـل الاذان=باللـيـل ذلــه بيـنـه لا خفـيـه
وحدرتـو القرنـه ضعايـن وسلفـان=حتيـكـم كـنـه حـتـي بـرديـه
والاتفاق اللـي سبـق صـار مجـان=طـرق النذالـه عنـدكـم منهجـيـه
حلفن حصل في جوعرجـا وجمـران=في المعركـه خـان الوديـع ودعيـه
وشاعركم اللي يدعي شلـع الاسنـان=وهذي مـن الهفـوات عنـده وزيـه
وهذا دليل انه مـن الغيـض مليـان=ولا له علـى فتـل الحجـج مقدريـه
عنده محدش ميـر ماصـاب نيشـان=عـن الهـدف رصاصتـه جانبـيـه
وكـل الكـلام اللـي يقولـه هذيـان=لانــه يعـانـي علـتـن داخلـيـه
والحاصل انه دب في صـورة انسـان=تلعبـه اوهـام الامــل والحضـيـه
ودو هديفتكـم مصـحـات عـرفـان=يشخـصـه بإشاعـتـن مقطعـيـه
امـا يصيـر انسـان والا حـيـوان=عقـب تشخصـه اجهـزه مخبـريـه
قـدح شرارتهـا بضرمـه وصـوان=اللـي يحـط السـم فـي الزمزميـه
ويصبهـا لرجـال ماهمـب بـذهـان=وده يسـوي فـي البـلـد طايفـيـه
كتاب الغلط واللي سعى فيـه غلطـان=يحيـي عناصـر ميـت العنصـريـه
كتاب السناح اللي من الصدق عريـان=ولالـه بـكـل المجتـمـع قابلـيـه
ومساعده في طبـع الاوراق شيخـان=التكلفـه مـن كيـس راع القـريـه
اصبح لغلطة صاحبـه مثـل زومـان=يشيلـهـا قـنـطـار والا وقـيــه