[أبو نجر النفيعي]

..

أبو نجر النفيعي

وين معجب يا عتيبه نبا ناخذ معاه = وان تركنا سالفتنا نبا نضحك علاه
وكان روّح جعلها روحت مقيط ورشاه = لحيةٍ ما تقبل العذر ما تستاهله

قوم يا معجب وفالك زين = اضرب افجوج الخلا الخالي ..!!
وان حصل وحده من الثنين = بزهمك وين انت يا خالي ..!!

:d

معجب العتيبي

حاظر وموجود ماغبت عنكم يابدوي=
من فضل ربي لهالحين فالدعوا قوي=
ولعبكم فوقه يزيد المشاكل ياخوي=
لحيةٍ ماتقبل العذر ماتستاهله=

مرحبا ياساعة التمكين=يوم ابو نجر يتهيالي
وان حصله زين والا شين=بحرسه فالمرقب العالي

أبو نجر النفيعي

كان تبغى كلمة الحق ما بالحمض أحد = يوم يا معجب تهايبت من ذاك الولد
مير انا خابرك شبلٍ ومن ذاك الاسد = لحيةٍ ما تقبل العذر ما تستاهله

قولها يا صاحبي ذالحين = واصرف الدولار بريالي.. !!
وكان ودّك في حدا الامرين = فاتتك في عالي الجالي ..!!

معجب العتيبي

انت رجالٍ تجيب السوالف من بعيد=
بس عيبك لانتهت رحت تبدا من جديد=
والمصيبه لاحقايق ولاشيٍ مفيد=
لحيةٍ ماتقبل العذر ماتستاهله=

والله اني مااطرد المقفين=هرج لا ماهوب ينقالي
الحقايق يالنفيعي وين=هاتها ياطيّب الفالي

أبو نجر النفيعي

نظرتي يم السماء .. نظرتك يم الثرا = يوم عيبك لا تقدّمت أنا ترجع ورا
ودّي اعلّمك واعّلم اللي ما درا = لحيةٍ ما تقبل العذر ما تستاهله

(كلمتك) حطيتها بقوسين = وانت عارف طول الاجيالي ..!!
مانبا بالماء نبل الطين = سوقنا يا صاحبي غالي ..!!

معجب العتيبي

صاحبي نظرتك ماهي خطا والله هداك=
نظرتك دايم تجي عاليه عن مستواك=
بس انا ياصاحبي معتلي وانظر علاك=
لحيةٍ ماتقبل العذر ماتستاهله=

الكلام اللي مهم يبين=عن كلام الزور طوالي
سالفتنا كلها حرفين=مايشوّش منها الارسالي

أبو نجر النفيعي

الكلام اللي تقوله ترا ما هو مهم = يوم أنا خابرك يغشى على قلبك وهم
أخذها من كف صاحبك دسمه يا شهم = لحيةٍ ما تقبل العذر ما تستاهله

نارنا قد ناشت البنزين = ولّعوها صالي بصالي ..!!
سالفتنا سيف ابو حدّين = يصطفق من جال لا جالي ..!!

معجب العتيبي

الله اكبر تعلم اللي خفا وسط القلوب=
عن دروبك يالنفيعي هذا لا ماتتوب=
خذ نصيحه وانتبه لاتضيق ابك الدروب=
لحيةٍ ماتقبل العذر ماتستاهله=

انتبه لاتلمس السكين=تبتلش بالمر والحالي
تو عمرك ياولد عشرين=لايروح بمحطة عقالي

أبو نجر النفيعي

الله الله نعلم اللي حصل مع كل فج = مار معجب تالي الوقت فالميقاف دج
لا تبّين ظلّي وشافه امن الخوف هج = لحيةٍ ما تقبل العذر ما تستاهله

جالها في غاربك دورين = وانت عنها داله وسالي ..!!
عان في مرماك به قولين = جات به ياربّ ياوالي ..!!

التوقيع

.....