[كبتن عتيبه]

عبادي المقاطي;724497]السلام عليكم

احب استعد وادق تحيه لرائع دائما مان من عتيبه حيث يعجبني في انتقائه للاعضاء

ويشكر على مجهوداته

ويستاهل كبتن عتيبه المبدع الشاعر الخلوق واحب اقوله الله يوفقك في مسيرتك


الله يبقيك ويبارك فيك

اخوي كبتن عتيبه عندي بعض الاسئله

السوال الاول / هل ترى ان شعار المحاوره حاليا يعتبر فتنه بما تعنيها الكلمه لانهم عنصريا اكثر من قبل على ايام

مطلق وابن جرشان وخلف و مستور وصياف والمسعودي وجبرتي من هذاك العصر كانو بعيدين عن العنصريه

في اغلب محاوراتهم علما مستور انجرف مع التيار لانه وحيدا بين شعراء هذا الجيل (سوال طويل وذالك بسبب جهلي في تركيب السوال بس عساك فهمته)

يعني باختصار شل وحط بين الشعار في بعض ما يعقلون الا اذا كان راعي الحفل امير بدا الاخلاق وش رايك فالموضوع؟



شعر المحاوره بدأ بشعر قبلي عنصري من الدرجه الاولى..حتى عصر مطلق الثبيتي ومحمد بن تويم رحمهم الله..لانهم من قبيله واحده..ولايريدون كثرة الاحتكاك فيما بينهم..استحدثوا معاني أخرى غير معاني القبليه البحته..وهم اول من سلك المعاني السياسيه وأحداثها...ثم بدوا الشعراء يسلكون مسالكهم...

اما الآن فنلاحظ مثل ماقلت عودة العنصريه ولكن مع شعراء محدودين..ونتمنى زوالها


ولكن لازال المعنى موجود عند الكثير من الشعراء

السوال الثاني /

بعض الشعار يطلعونه ربعه ولا هو مهو كفو يعني العنصريه ترزه بين كبار الشعراء ؟ (كل المساله تصب حول العنصريه)

اكيد اكيد..

السوال الثالث/

فالمنتدى لماذا مايعلنون عن المحاورات الموجوده بحيث لها حلاوه المحاوره اذا كانت لها موعد ؟

في خلال الصيف اوقفت المحاورات المباشره وسوف تعود إن شاء الله
السوال الرابع /

من قدوتك من شعراء المحاوره ومن من الشعراء تكن له اعجاب ومخفيه طبعا خارج عتيبه ؟

أنا أحب أسلوب الشاعر الكبير/حبيب العازمي

الكثير من الشعراء يعجبني شعرهم
ولك جزيل الشكر يامبدع وبأذن الله اني اشوفك في ساحات المحاوره حاليا


فمان الله وبالتوفيق

التوقيع

قالو ياكبتن من مكبتنك ومن أنت؟=قلت العفو..بالرّبع ماهي غريبه!! ماهو بأنا..اللّي ياجماعه تكبتنت=لا بِالله اللّي كبتنتي..عتيبه!!