محاورة للشاعر : ملفي الشلاحي مع الشاعر مستور العصيمي :
الشلاحي :
يامرحبا ترحيبةٍ ماهي غريبة من مطير_اهل الكرم واهل الوفاء ما تختلف عاداتها
مبروك ياليلٍ جمعت اصحابنا جعلك سفير_ والله يبارك للنشامى في جميع اوقاتها
العصيمي :
دام البقاء ياللي ترحب يا عسى فالامر خير_ خلك على نيتك والعالم على نياتها
ياطير ياطير السعد كلٍ بجنحانه يطير_هز الجناح وضم صوتك للعرب واصواتها
الشلاحي :
علمي على وضح النقا والليل والماقف خطير_ نياتنا ماتأخذ العالم على غراتها
يكفيك عنوان الكتاب اللي مطرّز بالحرير_اصحابنا الليلة حريصينٍ على مرضاتها
العصيمي :
انته تبا الدعوى على كيفك وهذا مايصير_عسى بوابير البحر تسبح على غباتها
الروح لا ترمي بها في بير والا في غدير_ وليا طرالك كلمةٍ فيها الصراحة هاتها
الشلاحي :
الله على كل الدعاوي ياابيض الشارب قدير_يمكن بعد بكرة تجيك شهودها بثباتها
حنّا ترانا ياعتيبة ندهن السير ويسير_الشاهد الله والعلوم اللي سمعت رواتها
العصيمي :
الله يخارجنا من الايام والشر الشرير_يا صاحبي صل الصلاة اليا عرفت اوقاتها
يا هل الغنم ما عاد فيها لا صبوح ولا مضير_ والناس ما تكتب على جنب الحجر حسناتها
الشلاحي :
نمشي على الملة ودين الله ولا نبغى شوير_ وانته صلاتك ليه كثر سجودها ركعاتها
حنا هل الميقاف واهل الرمح والسيف الشطير_ والا انت بقعا ما كسرك الا عصى مسحاتها
العصيمي :
يا ملفي الليلة ترا الدنيا رحاها تستدير_عسى مطير شيوخها تامر على عياتها
يا صاحبي يا صاحبي لانته غني ولا فقير_حالتك وسطى والمحطة غيّروا موجاتها
الشلاحي :
انا معلمك أولى ما حاصل الا كل خير_عتيبة الليلة محى معروفها سياتها
وانا ادري انك يالعصيمي شاعرٍ منته بامير_ مير القصيدة راجعوها وانقدوا فابياتها
العصيمي :
لا عاد نسمع في سنعكم لا صياح ولا صفير_اهل اليمن ما عاشت الا من مزارع قاتها