[محمد بن جزاع الحبل]

يا جماعة الخير انا اشوف الموضوع هذا بين مؤيد ومعارض بشده ..

حنا مانجبر احد في حبنا الحمدلله ان الله موهب حبنا للجميع القبايل من قديم الزمان ..

اذا شاعر غلط على قبيله يجيه وابل من شعراء ويردون عليه .

اذا شخص ارعن فالمنتدى سب قبيله يجي من يرد عليه ويوقفه عند حده بس مو هذا مربط الفرس !!!

احنا والحمدلله ناس واعيين اذا اشخاص غلطوا من الجهل اني احكم على قبيله كامله العين بالعين والسن بالسن والبادي اظلم ..


وبعدين اللي يقول مطيري منزل يوتيوب يسب العتبان فيه .. ياخي انا اقدر ادخل بالنك مطيري وسب بأي قبيله وانا اصلن ماني منهم بس حب واستطلاع وضحك على الفريقين والعكس صحيح يدخل واحد يسب مطير بأسم قبيلة عتيبه ..

وحاصل سب بين القبيلتين بس صدقوني انه اكثرهم ماهو عتبان ولا

مطير .... !!! قاف من القبايل !!

والاشياء هذي حاصله حتى في شاتات القنوات الفضائيه يكتب الكنترول باسم عتيبه وسب المطران والعكس كذلك عشان الشات يتحرك من المغفلين والسذج وبالاخير يؤجج الفتنه علشان مصلحته الماديه ..

اذا في مطيري عمل زعزعه ايام المزاين لا تنسى اخوي انه في مطران ضيوف في المزاين ولا ننسى بناخي الفلته الصفق المطيري له وقفات طيبه ومشهود له بذلك ..

بالختام :

الله يعزنا بالاسلام وينصر الاسلام والمسلمين بكل مكان .




كلام سليم ميه ميه
ويعطيك الف عافية
,,,ثاااااااااااانكس