مرجح الميزان
مرحبا في حلال الطيب ,,والطيب حاله=لو تميز تسمت بإسم برقا وروقه
ولو نقرب من الفنجال خشم البياله=شاعر رهاط مدري بينهم وش يشوقه..؟!
عبدالله حبيٌب الزراقي
البقا في حلال الطيب واهل الجزاله = والعتيبي علوم المرجله في عروقه
شاعر رهاط طيٌب منت لاقي بداله = مار ما كل فنحال ٍ تمدٌه يذوقه
مرجح الميزان
صح ..كلمتك .. هذي .. مار فك الرساله=كل طير تحصل فالفضا طير فوقه
أنت مثلي تحب الخير..!! واللي سعى له=ميز العلم غربه ثم تعرف شروقه
عبدالله حبيٌب الزراقي
صاحبي له مقاصد يوم جانا بسواله = يمكن العلم فالي قام يمغط شدوقه
اتفكرٌ واميٌز فالسحاب وخياله = بين دنٌ الرعد فيها ونوضة بروقه
مرجح الميزان
صاحبك ياطويل العمر ما ضاق باله=يوم بعض العرب نفسه علينا ,,ضيوقه
مرتك وأنت عينك تدرج كالمحاله=في بروقٍ لعينك يالعتيبي سروقه..!!
عبدالله حبيٌب الزراقي
الجمل يامرجح ماربطنا عقاله = وانته الي على درب الذيابه تسوقه
بث الابراج عيا لايجيب اتصاله = والبلا فالشريحه فالجهاز محروقه
مرجح الميزان
من يسوق الجمل ما هاب والخير فاله=لو تعاوى على دربه ذيابٍ سبوقه
بشتك اللي لقيته عند راع البقاله=من يرقع ليا قفيت كثرة فتوقه
الله الله
صحة السنتكم يامبدعين