بندر المرشدي
فيه قافٍ يطرب البال مدري ينعشه=والمعاني فيه ملياااااار والمخرج ملي
انتهى وقت المجامل وضحك الدردشة=مابقى إلا شبت النار والمخرج ملي
معجب العتيبي
قاف يطرب بال راعيه واخر يبلشه=لكن اعجل هات الاخبار والمخرج ملي
مانبالك ضحك يااابندر ولا فرفشه=ولاتبركها على الزار والمخرج ملي
بندر المرشدي
في قناة المختلف صورةٍ لك مدهشة=تخطف الأضواء والأنظار والمخرج ملي
الحجازي دايماً مايخل الوشوشه=معه غير اللحي منشار والمخرج ملي
معجب العتيبي
ليش عينك بالدموع الغزيره مجهشه=تحسب ان اسهمك تنهار والمخرج ملي
الحجازي لن بغيته تعال وناقشه=وابعد الفتنه عن الدار والمخرج ملي
بندر المرشدي
العرب ماهي لعلمك هذا متعّطشه=لا تحسبك فايف استار والمخرج ملي
ما نداني نحفر القبر والا ننبشه=مار جاء للقبر حفار والمخرج ملي
معجب العتيبي
لو لقيت اللي شهد زور والله لكرشه=والشهاده جت من الجار والمخرج ملي
ماتداني لكن الدرب قدمك تفرشه=ودك بنبشه ومحتار والمخرج ملي
بندر المرشدي
ينُفخ البالون لاكّن بسيط يفشفشه=في ثواني راس مسمار والمخرج ملي
هي قناعة في عقول الكثير معشعشه=مار لف القرص واندار والمخرج ملي
معجب العتيبي
قلب بندر ياجماعه تزايد بغششه=ياخذه في درب الاخطار والمخرج ملي
فالقلوب الواعيه يالعتيبي ننقشه=مانخاطب شلة شهار والمخرج ملي
بندر المرشدي
اهل بيشه دايماً بالعلوم مبيشه=مار جنب يدك والحاااار والمخرج ملي
الهبايب لو تجي للشراع تطيشه=دوره لو مره اعصار والمخرج ملي
معجب العتيبي
ول ياافكارن تجي صاحبي وتخيشه=والعرب ضنوه بيطار والمخرج ملي
اثر لوما لقمة اللي هناك تعيشه=كان اضنه من زمن طار والمخرج ملي
بندر المرشدي
ما يجيه الا صعاطير فكر تشيشه=كان شاش تروْح يسار والمخرج ملي
من يشوف اللحية اللي عليك مهيشه=يدري انك تحمل افكار والمخرج ملي
معجب العتيبي
ليت بندر مع هالافكار حط فريشه=ثم بدا في ذكر الاذكار والمخرج ملي
لحيتن ماهي على اصحابك اللي مريشه=ماتغير سر واجهار والمخرج ملي