كبتن عتيبه
يابو مناسيب وش ناقص عليك من السيوف الحداد=خل المناسيب تقعد للخيام تشد أطانيبها!!
العيد ماهو بعيد وروح فصّلك ثيابٍ جداد=وثيابك الأوله قفّل عليها في دواليبها!!
أبو مناسيب
الله يعوضك ياكبتن يوم ترسلها بليا رشاد=ماتدري أن الفعول تشيل الأسما ماتوطيبها
اللي يعيد بروحه قبل لاياتيه يوم العياد=لايطلب امن العرب تحذف ثيابً وده ايجيبها
كبتن عتيبه
هذا ليا صارت فعولك فعول (كليب) يوم الطراد=نقول أهل نجد (تغلب) وأنت برضك تصبح (كليبها)!!
حنّا نخيل الخيال اللي صلاة العصر خيّل وقاد=وان كان مأهلّ فوق ام القرى ماسالت شعيبها!!
أبو مناسيب
فعل الجدود القديمه وسم شقق سيلها كل واد=وش لي بسمعة كليب ونكرتن ترقا ابمخاليبها
المزنه اللي مطرها هل في نجد المسى وجاد=عسيتها عقب جاكم صيتها وأخلفك ترحيبها
كبتن عتيبه
ما ودّي انقدك وأنته لاتجي في موقع الانتقاد=دوّر على الطيّبه حتى تقول الناس ياطيبها!!
بعض الدير لو يجيها الغيث ياكلها الدبا والجراد=واليا أنّها ديرةٍ حمراء وغبراء وش نسويبها!!
أبو مناسيب
انا لي جاء بحدي باغي الصيدات لازم يصاد=ولا يجي للعدود ولايغثرب في مشاريبها
احب دار ليا جاها وسم تثمر وفا للشداد=ماهيب ضلعان وبال المطر ماينفع اذهيبها
كبتن عتيبه
اليا بغيت النصيحه لاتسافر من حدود البلاد=ماباك تاصل ديارٍ يالسنافي مانت ضاريبها!!
ترى الضلاعين مربا للذيابه من على عصر عاد=ولا انته بويّا الجبال النايفات اليا عوى ذيبها!!