ابو لمار
سلام تسليمة غلا في داخل اسواق الغلا = فيها الغناوي عاش والفقران ربي يرزقه
دامك يابوطايل معك هاجوس لقاك الخلا = ياليت تقرى ماكتب بين السطور السابقه
سعود العصيمي
يامرحبا ترحيبةٍ فيها المراره والحلا = في داخل اسواق الغلا والسوم قدمك وافرقه
انا هواجيسي تجيب الك المصايب والبلا = اصبر شويه ياعميل الخير واتروح امرقه
ابو لمار
الك البقا ياصاحبي حشمه وتقدير وغلا = افهم كلامي والوضع سواة نار(ن) محرقه
اقول لك هات الخبر وتقول مرحب ياهلا = كم قلتلك ياصاحبي كب المديح وفارقه
سعود العصيمي
فاللي مضى واللي بقى ماني معاك معزلا = سيفي يقص الراس واللي مايطاوع نشنقه
العام تعطون الولا واليوم تعطون الولا = اتعيش راعي نقنقه وتموت راعي نقنقه
ابو لمار
في اللي مضى واللي بقى اظن قلبك ماسلى = العام اخذتك طقطقه واليوم اخذتك طقطقه
ماحد(ن) يدوّر للكرم عند البخيل الارفلا = وجه البخيل الارفلا عن ضيف بيته يدرقه
سعود العصيمي
المشكله علم الحقيقه فالكتاب مسجلا = عندي وبشهود الحقيقه يالصحيب موثقه
تبا توقع فالطحال شوي والا فالكلا = أثرك سوات اللي توقع في حثوله بندقـــه
ابو لمار
المشكله ياصاحبي في قلبك اللي مبتلى = في كل ليل ويوم ابو لمار قلبك يحرقه
من بعد ضيّعت السوالف مابقول امجمّلا = ايجمّل الله حال ناس(ن) كل طرق(ن) تطرقه
سعود العصيمي
اما تقدم قدم والا ارجع ورا ومكبلا = طبعك كذا مزنوق والمزنوق صعبه نزنقه
لاصعبت الدعوى يابو لمار خلوها جلا = اقرب ملف ارميك يالخبر مع مفرقه
ابو لمار
لقيت ابو طايل مثل باب(ن) قديم امخلخلا = لكن انا لجل ابن حمدان العتيبي بعتقه
صدورنا وعقولنا بالعرف مليانه ملا = وانته تعاين في الذهب عندي وودك تسرقه
الله الله على الابداع
ابو لمار والعصيمي سعود
طاروق رائع كمروعة شاعريه
صحة السنتكم
وشمرا لكم