[الفراتي]

قالها الشيخ :
عبدالله بن ماجد بن عبدالله الهذال من شيوخ عنزة
في عام 1225هـ - 1226هـ ..
الذي ارتحل معه عدد ليس بـ قليل من قبيلة (الجبل) من (العمارات) الى الشمال ..
وهي تحكـي واقعهـا

يا نجد لاجاك الحيا نادي لنا=وشبّي لنا براس المقوقي نار
يا نجد لاجاك الحيا وصّي لنا=وان زان وقتك فارسلي عمّار
عبدٍ خذاله زوجةٍ من هل القرى=شارت عليه وطاوع الاشوار
ومن طاوع العذرا على غير صايب=يصير كما اللي ضاع بالنهار
جلس قليل الفود من شان الغنم=وخلّى بنات الهرش معنا ابكار
حلفت انا يانجد مارخصك عندي=مير الدهر والوقت فينا جار
سبعة سنينٍ مالمع فيك بارق=مات الحلال ويبست الاشجار
جرتي علي وانا معذّي جنابك=واليوم سكنك شاوي وحمّار
حاميك انا يانجد بالرمح والقنا=في لابةٍ تسقي الخصيم امرار
حنا شبات الحرب صبيان وايل=ملجأ الضعيف مدلّهين الجار
حنا هل العادات (اخوان بتلا)=الى جفتنا الدار نلقا لنا دار
لاجارت علينا الديرة وامحلت=نلقا لنا بدار العدو معبار
نجي على وضح النقا ونرهب العدا=ما كنّنا الا يمّهم زوّار
يانجد شفّي فيك طيرة وعيرة=وغمر الحطب لاحط فوق النار
أقفيت من عندك بنمرا ضريّة=عسامها يغطّي الجبال اغبار
أدنا منازلنا بوادي النعايم=واقصى منازلنا بغار انشار

/
/
/
تقبلـوا تحياتــي