[عمر الدغيلبي]

السلام عليكم ورحمة الله وبركاته

صبحكم الله بالخير جميع

نقدم لكم قصيدة للشاعر المبدع / مانع بن نايف القبع الدغيلبي

ونرجو أن تحوز على رضاكم

يا طير ياللي تحتك القاع هملته = يا ليت به طير يعطي روس جنحانه
عطني فضا كثر ما تاصل وماطلته = وأعطيك ما يقضب ابن آدم وسجانه
لا واهنيك متى ما اشتقت ستلته = ريشك و دنياك منها يديك مليانه
الأرض لا من بغيت ترابها احتلته = وترقى مع الغيم لين تخالط أمزانه
لوك محلي مكاني ما تحملته = لكن ترى الشاعر دوا همه إلسانه
عديت مرقاب ابن غانم وحولته = ما أطيق بره ولا أبغى شوف خدانه
لو كل ما ينكتب في خاطري قلته = ما أمسى بخبره غريب وقصر غيلانه
لو كان تونس غلاه الروح شايلته = ذياب رمحه و سيفه فيه وحصانه
ما فيه دارن غلا داري معادلته = عندي غلا العارض إلحاله وخلانه
عسى سحابه هماليله مسيلته = غالي ترابه جميع أرضه ووديانه
لين أن رمثه يروب بما فدحلته = وتشوف سيله غديره فوق عيدانه
لي صاحبن من غلاه العين منزلته = ولا بعيني وش أحطه علشانه
يا شبه ريم ٍ ونس غيره مجفلته = حقق بشوفه برمايه ونيشانه
وراح يتطوى معاصيره مضللته = معاد عاود ولا شاوف لقطعانه
نصبر على شان من شفه وطايلته = فرخ الوحش لاقنص به خارج أوطانه
حرن هداده ومرجلته على أولته = طلعه على اللي تعرف الطير خوانه
طارت من الروب ما تقوى منازلته = من شافته بالمطير وهي عجلانه
شعوف قشعه تذرابه تختلته = لو ما ارتفع غرته في طمن ثعبانه
يومه لحقها بها ما احسن معاملته = من كل قوه عطاه الله سبحانه
وصفه لنايف ليا ناحر و قابلته = وحرارة الدم فيه ونظرة أعيانه
نايف هو الجود نايف ساس مرجلته = ومن حب نايف نحب سعود واخوانه
أموت في واجبه وإرضاه ما أزعلته = ثالث ملوك البلاد ورمز عنوانه

ودمــــــــتـــــــ بخير ـــــــــم

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه