[احمد حامد الزايدي]

المشاركة الأصلية كتبت بواسطة معجب العتيبي

عدو الرخامه

سلام تسليمه بها خنة الهيل=.ياعتيبه الهيلا كرام السبالي
أبنشد العتبان وأبغى التفاصيل=مجنونكم وشبه يسب الرجالي

ابن الشاكرين

يامـرحـبا بك عــد ماسيـل السيـل=واليا لفانا ضيف مكرم وغالي
حنا نكيل وطبعنا نوفي الكيل=ولاعـندنا مجنون ياآبن الحلالي

عدو الرخامه

دام البقا لك ياصبي الرياجيل=دور لنا المجنون شرق وشمالي
أمطوع أبريده ردي المحاصيل=.معروف لو أنه يقوم الليالي

ابن الشاكرين

من يعرف أنه رجل وافي وحلحيل=عينه مالدبها في جرف هيالي
ومـن طـاع ربه مايحـب الأأقـاويل=متمـسك بدينه من الهم خالي

عدو الرخامه

مالدعيني غير بالجدي وسهيل=ولانوخ ألا فوق روس الطوالي
ضو القمر يكشفك ياحنشل الليل=هاذي حقيقه والحقيقه تقالي

ابن الشاكرين

عين العمى تعجز تشوف المشاكيل=ومايرتـكي للحـمـل غـير الجمالي
وأنته بعد معروف يا النجم ابوذيل=والـلـه سبـحـانـه عـلـيـه اتـكــالي

عدو الرخامه

ترى العمى عمات قلب المهابيل=.وشعيل يبرك للحمول الثقالي
ياعتابه لامن هل وبل الهماليل=مرواحكم يسبق نفيض الخيالي

ابن الشاكرين

أعماك ربي كب عنك التعاليل=وعارك ماجاله ذكر فأول وتالي
لاطامت العايل وذباحت الحيـل=فيهم كرم حاتم ولا لك مجالـي

عدو الرخامه

عليك نلقى يالعماوي مداخيل = اهل المناصب دفنوا بالسهالي
عينتم الشيخان ياهل التهاويل=ولا انت عن ماضيك ياهيه سالي

ابن الشاكرين

أهل القنا والسيف ركابت الخيل=أبـادو المـطـران والشك زالي
يروي لنا التاريخ جـيل بعـدجيل=فعل الرجال أهل القنا والسلالي