صْمـــــــت الفرح
قصيدة متواضعه أتمنى تلقى استعجابكم واستحسانكم لك خالص ودي
صمْت الفرح والقلب ضايق ومهموم=من علة(ن) توقـد بقلبـي حرايـق
كني جريح الروح والضحك مسموم=ضاق الفكر يالحل ويـن الطرايـق
حنا عرب كلمة وتفسيرهـا صـوم=صوم(ن) عن الأفراح والحزن بايق
كلمة ولاكن ليت فادت مـن الـروم=زاد الشقاء والكون بالحيل ضايـق
نجدد الماضـي مـع حـزة النـوم=وليا صحينا ليلنـا صـار عايـق
ضعنا وصار الذل قايـد لنـا دوم=لأحد(ن) يجادل واضحات الحقايق
ليت الزمان الي مضى يرجع لنا يوم=ويعيـد مجدا(ن)واضـحً بالوثايـق
وسلامتكم