العازمي
زمى بحر الهجوس اللي تشابه رايح الامزان = هجوسٍ من يناحيها تحطّه للملا عبره
بدا ليل الهجاد اللي تحرّونه على سلطان = تعالو ,واشهدو ياعتيبه الهيلا على حشره
سلطان الجـذع
ياماشاء الله ياماشاء الله ,,, عليك أسم الله الرحمن = أذا هذي هجوسك صاحبك ماانت بعلى خبره !!!
نصحته ثم نصحته عن كذا ,, ياربعنا العتبان = لكني ويش أسوي فيه بيدينه حفر قبره !!!
العازمي
نهار النّحر كم رميه هدفها حفرة الشيطان = ومن يقعد لرابع يوم يرمي ساعة النفره
سهوم الموت في كفّي تعاقب كنّها الديبان = ابرسلّك على الصفحات (1)مار عن (10)
سلطان الجـذع
نهار النحر , أضحي والضحايا من سمان الضان = لكن ليا رماك الحظ لاتعتب ولاتشره
قديمه ياولد عاصي وعندي مالها ميزان = لو نسّعر كلامك مايجمل صاحبه سعره
العازمي
بعد ماكبّروك الربع مثل الشاه وسط ايران = علامك فيك خفّه يالجذع وتسابق النقره
يقولون العوارف زبدة الهرجه تجي نيشان = وبارود الملح مرهون للنادوس والصفره
سلطان الجـذع
انا ماشفت شاة أيران يوم الخيل فالميدان = ياليت أصحابنا فيما حصل شافوا لهم دبره
ليا منا بنينا نبني البنيه على السيسان = لكن العازمي تشتب نار الغيض في صدره
العازمي
أجل بالله منهو صاحب اسم اسطورة الجذعان = خصيم القوم دون اشبارنا ماقد قصر شبره
ليامنك بنيت البيت حاول تشرع البيبان = يجيك الطرقي اللي شف باله كيف مع تمره
سلطان الجـذع
ينادونه (بسلطان الجذع ) و( مجندل الفرسان ) = تعال شوي وأفتح له فمك ويلقمك جمره
هلابك والكرامه كان جيت بعيرنا زوماااان = رفيع القدر يبشر له بماجوبٍ حسب قدره
العازمي
ابو زيد الهلالي ماكفاه ذياب فالعدوان = ولو ذياب فارس مع سلامه لاحقٍ عصره
كرامة غامدي في لحيته ماخصّت العربان= يقولون الرجال العفو ياطيبه مع القدره
سلطان الجـذع
لو أنا يالعتيبي نازن الدعوى على الميزان = أهل بغداد ماهم شئ لاجوهم هل البصره
لا والله مالها الا أنته تقدم لك بلا نقصان = لو الضيف يتعذر عن وجوبه ماقبل عذره