عيضة الثبيتي=
يامستور العصيمي ويش رائك لو ناخذ قاف=ترى ليل الربيع يهيض الشعار مـن طولـه
ترى أهل السيل تنشد عنك وتدَّورك بالكشاف=لكنك غبت عنهـم غيبـةٍ ماهـي بمعقولـه
مستور العصيمي=
ليا منك بغيت القاف قرّب والزم الميقـاف=تراني خابر الرجال من زوله ومـن قولـه
والا ياعيضه الك سنين سد سنين ماتنشاف=وانا رجلي لراع الحـق مثنيّـه ومعقولـه
عيضة الثبيتي=
والا ياطيبها يوم أنت طيّب ماعليك خلاف=لو أن علومك اللي جبتها ماهي بمقبولـه
على الشعار وصّاك الثبيتي مطلق وصياف=وجيت ادوّرك واليا أنها البيبان مقفولـه
مستور العصيمي=
علوم ٍ ماضيها ماجالها شاهـد ولا حـلاّف=سواة العقده اللّي عند رأس الحبـل محلولـه
نبا يابن معيوض نعرض الدعوه على العُرّاف=وأنا لي دعوة ياصاحبـي ماهـي بمجهولـه
عيضة الثبيتي=
والا يامسرع الروحه والا يامسـرع المنكـاف=على البحر الحمر والبحر الاحمر يصطفق جوله
دمحنـا الأولـه والثانيـه والثالثـه تنـعـاف=ووصلنا السلوك اللّي ثلاث سنيـن مفصولـه
مستور العصيمي=
أنا طيَّب بخير ولا رزتنـي حذفـة الحـذاف=وانا قاضي ولد قاضي وبعض الناس مهبوله
وأنا ماني سواة اللي يروح يدور الاسـلاف=يدور للسلف من عند ناسٍ مامضى حولـه
عيضة الثبيتي=
والا ياحضرة القاضي ترى ماهو بحكم انصاف=يدينك فالدسـم ويـديَّ بالصابـون مغسولـه
اثبتها على السيسان مابنيها علـى مهيـاف=هذا مستور مايعـرف رفيقـه ميـر قولولـه
مستور العصيمي=
ليا منا رمانا يالثبيتـي نطـرح الاهـداف=وانا خابر يمينك وافيـه ماهـي بمغلولـه
ندور للذهب واثر الذهب في خزنة الصراف=من أهل السيل جاني واحداً ماهو على زوله
عيضة الثبيتي=
يميني وافيه والسيف يامستـور للسيـاف=لكن الوقت الاقشر يالعصيمي تقرع طبولـه
على البحر الحمر والله لو ترمي مية مغراف=ماينقص بحرنا وأيامنا دولـه ورى دولـه
مستور العصيمي=
أنا ماقول فيك قصور ياحايف ويا منحاف=ليا ماقـدِّر الرجـال ماقـدَّرت مرسولـه
بدينا وانتهينا والوعد فبداية المصيـاف=ولا تقضي حياتك في بيوت السيل معزوله
عيضة الثبيتي=
والا يافكرتي يانكرتي في هالونيت الهاف=ليا شديت صاموله طلع عشرين صاموله
وسلامتكم