عبدالله حبيٌب الزراقي
مرحباا عدٌ مارفرف جناح الطير = لين ياقع برجله فوق الاغصاني
بعد ماطحت ياناصر في وسط البير = منت ميٌت في قاع البير ظمياني
ناصر الجلاه
البقا ياولد زراق خير وخير=بدعه الشقلبه عنوانها ثاني
العصيمي جبل شامخ سوات النير=كم غلب فالمواقف ناس شجعاني .؟
عبدالله حبيٌب الزراقي
بيننا مايجي شرهه ولا تقصير = وانت شاعر سوات الذيب سرحاني
المهٌم الجراحه قبلها تخدير = والعتيبي يداوي كل مرضاني
ناصر الجلاه
ياصحيبي على درب النشاما سير=مير طعني ياعبدالله لاتعصاني !!
قبل كل الجراحه فيه غير وغير =شخص العله اللي شانها شاني !!
عبدالله حبيٌب الزراقي
ماش ٍ دربها والي نباه يصير = ماسمعنا شروط فلان وفلاني
المشاكل تراها ترهق التفكير = راعي المشكله بالهمٌ سهراني
ناصر الجلاه
ابن زراق يستاهل مقام وزير=العصيمي عطاه السيف شاماني !!
ياعبادي حملت المسك وألا الكير=قبل احطك من اخواني وحباني !! هههه
عبدالله حبيٌب الزراقي
مانبا سيفك الي جاك بالتاجير = ردٌها في ظهر غامد وزهراني
يالعصيمي بعد ماخانك التصوير = كان قلت عبدالله عمٌي الثاني
ناصر الجلاه
لاحشى مايخون صحيبك التعبير=ماحدٍ قد ومرني قبل ينهاني !!
ألك أجل عقبها التقدير والتقدير=من عميق التحايا ياكحيلاني !!
عبدالله حبيٌب الزراقي
لايهمك ترا لو يكثر التفسير = من لسانك تجي وتروح فلساني
ولك منا تحيه مالها تسعير = مثل سعر الذهب في سوق اللماني