حنا عتيبة مصدر الطيـب منـا = تعرف جميع القوم منهم عتيبـة
اهل الفعول ان كان قلنـا فعلنـا = حنا سوات الموت سلطة وهيبـة
نبطش بحد المرهفـات المسنـا = ونغير فوق المكرمـات الاديبـة
وندق زير الحرب والجموع اقبلنا = عدونـا نسقيـه مـر الغليـبـة
حنا عتيبـة انشدواالقـوم عنـا = الورع منا معروفـة مضاريبـة
ذباحة الحايـل سعـوط المجنـا = اهل السيوف المرهفات العطيبـة
كم شيخ قومـا فالملاقـا زبنـا = نحميه لو كبرت عليه المصيبـة
ما يـوم لابقنـا ولايـوم خنـا = وخوينا يلقا الصـدور الرحيبـة
والضيف لن ميل فلاحـاد عنـا = يعـرف دروب فيهـا معازيبـة
مال الفخر لو ينتخي غار حنـا = تاج الفخر حنا ولاهـي غريبـة
دون الخوي نشيل هم المعنا = ولجل الكرم نفعل فعول عجيبه
على حياض الموت سقنا جملنا=وعشنا بنجدٍ مادفعنا الضريبه