[المحيط العتيبي]

المشاركة الأصلية كتبت بواسطة فاحان الحارثي

يالجعيد عسيود مات في غزوه بين النفعه ومعهم العصمه ووواحد جعيد فقط ضد الجياشه وذوي حطاب والشدادين

والجعيد الي امعهم وخذت ذلوله فالمعركه يوم هج وخلاها
يوم انه يقول يبا الشدادين يرجعون ذلوله:
انخى ذوي مهرس وجازع وشباب = وحجيل يامروي شباه الصقيلي

الاخ فاحان انت تنقل من العضو ابن مهرس في منتدي الشدادين وانت في الحقيقه ماعندك سالفه اجل ذلول غازيه ويطلبها راعيها من القوم اللي غزتهم كيف تصير هاذي كل القبايل سلومها في الغاره الذلول توخذ كغنايم حرب والفرس كقلاعه
يعني مستحيل الجعيد يخالف السلوم ويطلبها
والحقيقه ان قصة الذلول مالها دخل في معركة عن واقحامها في الموضوع كله كذب ودجل
اما قولك ان العضاوين دايم يذبحون الجعده واخبارهم في الجرايد فالحقيقه هي العكس
الجعده الاثنين هم اللي ذبحو الحارثي العضياني في سوق الحرث امام قبيلته وخرجو سالمين
اماقصة (عن) التي ذكرها ابن مهرس والاخ فاحان نقلها عنه وهو مطفي النور فسوف اكتبها بعد القوس بالخط الازرق لكي يقراونها العصمه والنفعه وباقي عتيبه ويرون الي اي حد وصل التزوير وانكار الحقايق عند الحرث اصحاب سلوم((بسم الله الرحمن الرحيم

السلام عليكم ورحمة الله وبركاته..

نظراً لطلب بعض الأخوه لسرد معركة عن المشهورة وتبيان الحقيقة في ذلك, وما نراه الآن من تحريف أخواننا الجعده للقصة الحقيقية, لزم ذكر هذه المعركة بقصائدها وأحداثها..

حصلت هذه المعركة عندما غزى الشيخ شباب ابن حجنه النفيعي بقومه النفعه ومعه العصمه, ومعهم واحد من فرسان الجعده هو الفارس حامد بن باهج الجعيد فقط, وليس كما يقوله بعض صغار السن من الجعده بأن الجعده جميعهم بشيخهم عنيبر كانوا في المعركة!!

ولكن التاريخ لا يمكن تحريفه, فالجميع يعرف هذه القصة وأحداثها بالتفصيل, وما كان هو موقف الجعده من المعركة!!

يقال بأن ابن حجنه وقومه أغاروا على ابن الحارث جهة جبل عن, وسبب غارته هو أن الفارس ضاوي السبر الحطابي الحارثي قد أغار على النفعه وأخذ منهم البل, ولما قرر ابن حجنه الإغارة على ابن الحارث قالوا العصمه: حنا معكم , وكان الفارس حامد بن باهج الجعيد عند العصمه وعندما علم بنية ابن حجنه قال: وأنا معكم على ابن الحارث, لكن واحد من الجعده لامه وعاتبه وحاول يرده عن مغزى ابن حجنه لكن ابن باهج عصى ربعه الجعده ورافق النفعه والعصمه..

المهم يوم وصل ابن حجنه وقومه الحارثية جهة عن, مع طلعة النور صاح الصايح وتفازعوا ابن الحارث وكانوا الموجودين من قبائل ابن الحارث هم الشدادين وذوي حطاب والجياشه والمتاعبه من بنيوس, وأما باقي ابن الحارث فجت فزعتهم الضحى لأن المعركة كانت صباح على وضح النقاء, وحصلت معركة كبيرة بين الطرفين ويقال بأن الفارس ضاوي السبر جاء له فعل في فرسان عتيبة, وتقول فيه الشاعرة النفيعيه بعد المعركة:


المدح عّود في القبايـل مهـاوي=مثل الحيا اللي ما ضفت به مزونه
المدح كله راح للسبـر ضـاوي=اللي ضيفـان العشـاء يمتنونـه


أما الفارس عسيود بن مبارك الشدادي كان يدخل وسط خيل النفعه ويجندل الفرسان حتى قعد له أحد فرسان النفعه ورماه بالبندق وكسر ساقه, وطاح عسيود من فرسه وكانوا النفعه قريبين منه وزهبوا بنادقهم يبون يذبحونه وأراد الله لعسيود ويرد لبندقه ويذبح أثنين من النفعه قبل لا يجهزون عليه الباقين, وذبحوه النفعه وتقول أخته هيا في ذكر فعل أخوها قبل قتله:


ما مات لين أن الجمايل كسبهـن=بيض ٍ تجدد دام الأيـام عـدات
أخذت حقك مرتيـن ٍ بـلا مـن=قدمك محمد صفوة الخلق قد مات


وأستطاعوا فرسان ابن الحارث قتل الفارس راجح النفيعي من كبار فرسان عتيبة, وأما الفارس حامد بن باهج الجعيد طرحه واحد من المتاعبه وأخذ ذلوله وأنجاه الله من الموت, وفي النهاية أنكسروا عتيبة وكسبوا ابن الحارث ركايبهم وخيلهم وبنادقهم, وقاموا يتقاسمون الكسب فيما بينهم, عندما تقول هيا بنت مبارك يوم شافت الربع يقسمون الغنايم تمنت أن أخوها حي معهم:


ليتك مع اللي في الضحى نجرهم دن=عقب الكسايب في عشاوي وطولات
ليـت الليالـي للنشامـا يـدومـن=اللـي فعايلهـم جـداد وقديـمـات


ويقول أحد شعراء الصلاخات من ابن الحارث في المعركة:


يا فاطري ترعين عشب الزماليق=ومن حيث ما طاح الحيا ننتويلـه
بمذلقـات أرماحنـا والتفافـيـق=كم هجمة ٍ نجعل علاها الدبيلـه
جانا النفيعي والعيـال المطاليـق=ولي عزوة ٍ دايم تفيـد الجميلـه
قمنا علاهم بالرمـاح الزواريـق=ومشوك ٍ يفضي العظام الجليلـه
وراجح علاه الطير حومه تخافيق=خلي طريح ٍ في المعارات عيله


والقصيدة أطول من ذلك وأتمنى ممن يعرف أسم قائلها أو تكملة باقي الأبيات فلا يبخل علينا..

أما الفارس حامد بن باهج الرداني الجعيد فقد أخذوا المتاعبه ذلوله, ولما طلب من شيوخ الجعده إرجاع ذلوله قالوا: حنا نصحناك عن النفعه وعصيتنا!!

فلما يأس منهم قال هذه القصيدة مرسلها إلى الشدادين يطلبهم يردون ذلوله من المتاعبه:


وا بكرتي يا صفـرة ٍ مالهـا نـاب=صفر ٍ مقاريهـا سـوات الغرابـي
يا بكرتي حني وارمـي بالاسـلاب=وانخي من القطمان ربـع ٍ غيابـي
انخي ذوي مهرس وجازع وشبّاب=وحجيل يا مروي صقيل الحرابـي
وانخي الرواما عزوة ٍ تخلف الطاب=والحر يخر لـه حـرار ٍ عرابـي
ان كان قمتوا يا عريبيـن الانسـاب=جات الذلول وشاقي العيـن طابـي
وان كان ما قمتوا فلانيـب سبّـاب=حطيت سموا المتعبي فـي هبابـي
الاد شـداد ٍ تحـلـون الأنـشـاب=يا اهل النقاء لا تتبعـون المغابـي


وسعى فيها الأمير مبارك بن مهرس والشدادين حسب سلوم القبائل وعاداتهم, وردوا المتاعبه للجعيد ذلوله تقديراً للأمير مبارك بن مهرس..

أما مرثية الشاعرة هيا بنت مبارك في أخوها الفارس عسيود بن مبارك الشدادي, فتقول فيها:


هيض عليه يوم عديـت فـي عـن=مما بقلبي وقت بـه عشـر ويقـات
قامت هواجيـس الضميـر ايتلافـن=لا راح زاف ٍ زارني عشر زافـات
عليك يا حامي الركايـب واهلهـن=يا طير شلوى يا معشي المجيعـات
ليتك مع اللي في الضحى نجرهم دن=عقب الكسايب في عشاوي وطولات
ليـت الليالـي للنشامـا يـدومـن=اللـي فعايلهـم اجـداد وقديمـات
ما مات ليـن ان الجمايـل كسبهـن=بيـض ٍ تجـدد دام الايـام عـدات
أخـذت حقـك مرتيـن ٍ بـلا مـن=وقدمك محمد صفوة الخلق قد مـات


وهذه القصة الحقيقية لمعركة عن, ولو نعيد النظر للمعركة فلن نجد للجعده فيها لا ناقة ولا جمل سوى فارس واحد فقط, وحدث له ما حدث عندما طلب من شيوخ الجعده إرجاع ذلوله من ابن الحارث ولكن لم يحصل له ما يريد, فلا داعي للتحريف وأطراف المعركة معروفين وهم النفعه والعصمه من جهة وابن الحارث من جهة آخرى..

والحمد لله التاريخ واضح والقصيد نعرف معانيه ماهوب اللي يشبك الحابل في النابل وهو والله ما يعرف وجهها من قفاها, وعز الله ما نبا هذا الشي مار حدونا علاه, وحنا عارفين دروبهم وباخصينهم زين مار الله يصلح الشان..

وما أقول غير الله يرحم الفرسان الشجعان ويجعل مثواهم جنات النعيم.. ))استغرب من هذه الروايه الكرتونيه اجل غازيكم شباب بن حجنه بالنفعه ومعه بعد العصمه ليه اجل العصمه تبع لبن حجنه يغزيبهم علي كيفه وين عقداهم وامراءهم
وبعدين شباب ابن حجنه معروفه حياته في نجد ومغازيه حتي قصة وفاته معروفه وبعدين وش يبغا في بني الحارث واباعرهم القليله وديارهم الوعره مع احترامي لهم
والشيوخ مايغزون الا يدورون للكسب ومناطق الابل في الشمال والشرق ونجد من باب اولي انه ينصاها ابن حجنه
وبعدين ياخوي غزوه علي بني الحارث ماتستاهل ان اكبر قبيلتين من عتيبه العصمه والنفعه يغزونهم مجتمعين لان النفعه والعصمه لو اجتمعو مع بعض يطلعون قبايل كامله من نجد وقد حصل
فحقيقة معركة عن هي حرب بين عتيبه اهل الحجاز الجعده وجيرانهم بني الحارث وليس لبن حجنه اي دخل ولا العصمه فيجب عليك اخواننا الحرث اتقاء الله وعدم الكذب علي الاموات وظلم الاجواد واقحامهم في شي مالهم دخل فيه
اما القصايد اللي انتم موردينها فليس فيها دلاله واضحه علي ان المعركه هي معركة عن
وهي تتراوح بين المراثي والافتخار العام