بن هداب
بارك الله في عتيبه من زمان و هالزماني =لو نقول أن الحروب ألها مدبرة المكيده
أعرف الأول بالأول وأعرف الثاني بثاني=مشلحً راح بقديمه غير مشلح بالجديده
مرجح الميزان
وبارك الله في مطير القوم قاصيها وداني=والمكيده للمطيري دم يمشي في وريده..!!
وأنت لا مشلح ولا ثوب سترك عن العياني=والله اللي بالبشر ياخوك يفعل مايريده
بن هداب
يا معيد ليه عيدك بعد الأضحى وأرمضاني=أكيد لك مذهب ومله والله أعلم بالعقيده
أن لويتك ما تركتك غير ملوي الآذاني=عقبها كلً يصوت مير ما أذنك مستفيده
مرجح الميزان
كل ديره مع عوايدها نسير ولا نعاني=نزهم الشامي بشامي واليماني فالحديده.!!
وأنت لو أطق خشمك ثم أطقك لك اللساني=لين تعجز عن سمين الصيد ما تقدر تصيده
بن هداب
أنت صادق لك عوايد من مكان ليا مكاني=أن عطوك القرش الأحمر ما سحبته من رصيده
والرحى دارت وسم الداب من بين المحاني=عقب ما خسر العراقي ماش لك رميه سديده
مرجح الميزان
لا تصدق بعد قولي.. قول لي يسلم كياني=وأعرف حدود التخاطب بين سيد وبين سيده
وان كويتك لا تقول ان إن العتيبي ما كواني ..!!=حيث حنا كل علبا فوقه المسيم نجيده