سلطان الجـذع
يامرحبا ترحيبة تبقى بساحات الخلود = من الذهب والماس أنقشّها واخط حروفها
قم يالمطيري والمعاني صرفها صرف النقود = انته عليك مياتها وانا عليّ ولوفها
بن هداب
دام البقى يا صحابنا عتيبه عريبين الجدود=أعداد ما خط القلم طرسً وزف أظروفها
قم يالعتيبي وأصرف أجنيه الذهب وأذبح قعود=أنته عليك الخارطه وأنا علي أوصوفها
سلطان الجـذع
قال المثل : مافي مواريث الفهود الا الفهود= ومطير تسمع مانقوله ... والدروب تشوفها
يااصحابنا اللي ناركم دخانها من كل عود = مطيّة الشيطان مال شدادها لردوفها
بن هداب
ترا الفهود أن قستها ماهي بشي مع الأسود=يا عيال ساره للمعارك خيلها وأسيوفها
النار حيه ماهي بنار الحضارم والزيود=مير أنت علم بالحقيقه لا تحجر أكتوفها
سلطان الجـذع
ان قستها بالفعل والا العرف عنا ... ماتزود = ياعيال موضي ,,, نعرف زحول العرب وضعوفها
ياما .. نصرنا الله على جيش النصارى واليهود = واليوم لو شبيت نارك نحذفك في جوفها
بن هداب
يا ربعنا ماعندكم سحب وبروق ولا رعود=صرتوا يتاما واليتاما ما لقت مصروفها
أثر اليهود أشرف من أللي فالحرم عدا الحدود=لاهو بطايفها ولا خلى العباد أطوفها
سلطان الجـذع
ماعندنا الا سيف عز طول الايام محدود = الله ..على حال الرعيه والذياب تحوفها
الحمد لله ماطلع منا ذليل ولاشرود =ومطير ياماكثر خيانتها ومااكثر خوفها