المرشـ ساطي ـدي
بعد طول غيبه ياعتيبه سلام أسلام= اسوقه لكل الاعضاء فالمنتدى الغالي
نقفي مع الأشغال في الوقت شرق وشام=ومهما تطول الغيبه انتم على بالي
أبو وافي العتيبي
بعد طول غيبه مرحبا في محل أكرام = نيابة عن أهل المنتدى بأول وتالي
يدور الفلك والناس تمشي مع الأيام = ومهما تطول الغيبه القدر لك عالي
المرشـ ساطي ـدي
يدوم البقاء ياللي ترحب وقدرك تام=ابو وافي وانته وافي الهرج والحالي
تساق السنين الشرد والعام تلو العام=عسى الله يزينها وتثبت على حالي
أبو وافي العتيبي
ياراع الحروف اللي تبى تتعب الأقلام = إلك في سنام المجد يارجل منزالي
عسى الله يبعدنا عن الزيف والأوهام = على طيب فالك روح ياطيب الفالي
المرشـ ساطي ـدي
غريبه يابو وافي ورى ما خذيت وسام=وبدعك جزل مضمون والحق ينقالي
انا الشاهد الاول وانا فالج الاخصام=عساها عساها تاصل المشرف الغالي
أبو وافي العتيبي
نبى ننتظر للمحكمة تصدر الأحكام = تبين الحقيقة لو ترى وقتها طالي
أنا داري أن العلم يمشي بحسب أنظام = مدام المطر جاكم أقول المطر جالي
المرشـ ساطي ـدي
يدير القضيه مالك الحبر والاختام=بلا شك راعي عدل ما ليلةٍ مالي
تتابع مسافة دربها والسعد قدام=ومن سار في دربه وصل والله الوالي