[ذيب النفود]

المشاركة الأصلية كتبت بواسطة زبن القاضي

البارحه شفت الشعر فوق الاسعاف=في حال يرثاله وينخاء الطبيبي
ينخاك يامستور يا محكم القاف= من يوم يبداء لين قافك يشيبي
وينخاء حبيب محتمي كل ميقاف=من وقفته ترجف عظام الحريبي
وينخاء يابو مشعاب ياراع الأنصاف =عساك مع طول الدهر ماتغيبي
وينخاء ولد سلمي عماءكل مزهاف=وينخاء ابو وافي موف الطليبي
ويبكي على مطلق ويدعي لصياف=يالله عسى رب الملاء يستجيبي
ويبك الجبرتي بعد ماشاف ماعاف=من وقتنا اللي صار كله غريبي
ويبكي على اللي بالشعر ماله أوصاف=شاعر هذيل اللي كلامه مصيبي
ويقول شوفو حل في بعض الاصناف=اللي مايفهم شي ليه يحكيبي
باسمي لجمع المال ضاوي وحواف=كلن يقول اهم شي أمل جيبي
ونتيجة اللي قلت ظلم ابو هياف=والقارحي والله عليهم حسيبي

زبن القاضي صح إلسانك وإعتلى شانك....

المشاركة الأصلية كتبت بواسطة عايض زوير المقاطي

صلوا على الحبيب.. !!

هات القلم ياحمود واعجل بالانكاف=وإن فاحت أم الهيل خلك قريبي
قلبي ضحى ذا اليوم حاديه الإشعاف=ولو هو سليم الحب كنه صويبي
زبن الشعر عدا على راس مشراف=ذيب عوى فالحال جاوبه ذيبي..!!
أرباعها بارباع .. وأضعاف بأضعاف=هيضتني ياخوك والله حسيبي
(أنشاف بعض أحيان ,,وأحيان ما أنشاف)=يمشي بي الهاجوس لين المغيبي
ذكرتني فالحال من عقب الأسلاف=اللي رموا هافيه وسط القليبي
قلت الشعر يا قوم من زود الاجحاف=ينخى من العراف راس"ن" صليبي
ينخى طبيعي يا زبن ..!! دام الأكتاف=مالت سواة القوس غصب وغصيبي
فيما مضى والسيف راعيه سياف= واليوم شفت السيف ما له صحيبي..!!
سوق الشعر ذا اليوم في جنب الأعلاف=واللي معاه ريال يقدر يجيبي
وإن ما افزعوا له يا زبن .. شل الأطرف=علة زمن..!! ما أظن منها يطيبي

سوق الشعر ذا اليوم في جنب الأعلاف=واللي معاه ريال يقدر يجيبي

أبو زوير صح إلسانك والله لايضرك. قرب خشتك ههههه...