ان جيت ياشوق العنا والمقادير=يستقبلك ترحاب قلبي من اقصاه
حيث ان لك في مهجته كل تقدير=وغلاك من مبطي غزاه وتمثناه
لاتحسبنه شرط يلعب على الزير=ويغني الألحان من شان تقراه
ترى الغلى الصادق يحب التعازير=في قلب راعيه وعلى نار يقلاه
وانكان ماجيت وخذتك الاعاصير=اللي تشيل اللي على الدرب تلقاه
ماهو غريب وصار فالناس ويصير=لين النفوس تقاد من كل مجهاه
كم حاجةٍ راحت وطارت كماالطير=صفق الهوا بين الجناحين مشهاه
رف الجناح وحيث ماتشتهي طير=الله يوجهلك وخل المعاناه
في قلب من حبك وغر التعابير=ماهو بداري كيف ينبيك بلغاه
والسر يبقى سر في داخل البير=ان عاش ولا مات ماواحدٍ جاه
بس الصحيح انكان جيتو مسايير= كل المشاعر في نباكم مهياه
غيمار