أبو وافي العتيبي
سلام راقي في مكانٍ راقي = أهل الوفاء ماغيرت مبداها
نادوا على عبدالله الـزراقي = يارد على الجمه ويشرب ماها
عبدالله حبيٌب الزراقي
يامرحبا ياراعي الاخلاقي = اصحابنا الي ودٌنا فرضاها
نمشي معك والساق فوق الساقي = للجمٌه الي ماظما من جاها
أبو وافي العتيبي
دام البقاء لكن باقي باقي = توا البواخر جات في مرساها
بيني وبينك لو يصير أسباقي = رجلي ورجلك يتفق ماطاها
عبدالله حبيٌب الزراقي
اصرف حسابك وانزل الاسواقي = واخشرٌ مع التجٌار لا تنساها
ان كان حيلك مايجيه ارهاقي = روس المبادي عدٌها وارقاها
أبو وافي العتيبي
الشمس بانت طالع الأشراقي = في ذمتي ياضلع ماغطاها
أمشي برجلى ماني بمنعاقي = والعين دام تنظر بعلياها
عبدالله حبيٌب الزراقي
ماكل حمل ٍ تحمله ينطاقي = من شالها ياصاحبي وطٌاها
احدن يسابق والرجول دقاقي = واحدن كحلها بالكحل واعماها