محاورة بين الشاعرين القديرين حـبـيـب الـعـازمـي و مـسـتـور الـعـصـيمـي
المحاورة اقيمت يوم السبـت 16/ 7 / 1429هـ
في الطايف قصر الملكة بحضور الشاعر زيد العضيلة ..
حبيب العازمي
يامرحبا ترحيبةٍ تنحت من جبال السراه = الي على الطايف مطله والهوا ما هدها
قولوا لمستور العصيمي ينتبه يرفع عصاه = ام الكباير دمعها من عينها في خدها
مستور العصيمي
دام البقى يالشاعر الي يلحق الشاعر هواه = مديت لك يمناي يمناك الكريمة مدها
يالعازمي لا تشتقي بالحب دورنا رحاه = وام الكباير خلها عندي وانا العن جدها
حبيب العازمي
ياعد يا هداج الي يروي الحجاج ماه = الله عطاني قوةٍ عطاك قبلي ضدها
هذا خطا والمخطي المسؤل يتحمل خطاه = انت تلبس لك رجال ثياب ماهي قدها
مستور العصيمي
ترا العصيمي لو شرب له بحر ما يقطع ضماه = دوبك تلفت ياحبيب للنجوم وعدها
الي يصيح للعرب دون الجبل ولا وراه = ياصاحبي يالعازمي هات العلوم و ودها
حبيب العازمي
حنا ترانا ما نحسد الرجال يوم الله عطاه = وحقوقنا حامينها ود العدا ما ودها
الي يصيح للعرب صيّح وبد الله خفاه = يكد راس الجارية والمشط عيا يكدها
مستور العصيمي
الي يخاف الله يزكي المال في وقت الزكاه = بالله قل الي بناه لا يزيد يهدها
المسلم المغرور ماله لا صيام ولا صلاه = راع العيون الحول في الجيران ليش يلدها
حبيب العازمي
العام البيت الفقر جاه المال من بيت الغناه = واليوم بيت الفقر يازن صاعها في مدها
كيف المريض الي على الدكتور مشروط دواه = يصحي من الغيبوبة الي تاخذه لابدها
مستور العصيمي
المعطي الله ما ترجينا البخيل وعطاه = ونقول يا بيت الكرم عش الضيوف وغدها
ياصاحبي يالعازمي صاحبك عالٍ مستواه = اهرج واهرج معك والي تباها بدها
اتمنى ان تنال على اعجابكم وان اكون وفقت في كتابتها ..