عبدالله حبيٌب الزراقي
سلامي عليكم ياطولين الايمان = من الشاعر الي شبٌ ضوٌه وناره
نبا شاعر ٍ يلعب على كل اللحان = قليل الحصيل ولا كثير الخساره
مرجح الميزان
هلا مرحبا ترحيبة ترفع الشان=من الشاعر اللي نار حله مناره
تهرج تهرج يالعتيبي من الآن=يالين الفضا.. يغرق بليله نهاره..!!
عبدالله حبيٌب الزراقي
يدوم البقى ياراعي السيف شامان = بعد جيتنا ياذيب وسط المغاره
توكل على الله واربط حزام الامان = وحافظ على رخصتك والاستماره
مرجح الميزان
أنا ذيب ياعبود في راس ضلعان=وراع المغاره ما نجيله زياره
مادام الخبر ياراعي البدع ما بان=تساهيل.. والشوزن في وسط الغماره..!!
عبدالله حبيٌب الزراقي
تراها سوالف شعر حجه وبرهان = يسمونها الشعٌار فن الاثاره
شكوك كثيره مير انا فيك فرحان = سلاح ٍ تشيله مايوقع غباره
مرجح الميزان
لنا الشعر كنز ما يقدر بالأثماآآآآن=ولا هو بهرج بدور .. حصه ..وساره
وترى ما يخش الشك ياكود مرضان=عساها بسيطه .. ما تعدى الحراره..!!
عبدالله حبيٌب الزراقي
صدقت وكلامك زود ماهو بنقصان = وهرج الصراحه من صميم العباره
صداقتك قشرا مير للذنب غفران = انا صاحبي عينه تقادح شراره
مرجح الميزان
ولا يا زمان العافيه كان ما كان..!!=يعرف الحلاوه من يذوق المراره
تقوله تقوله مار ياطير حوران=صحيبك صحيبك.. ما تغير مساره..!!
عبدالله حبيٌب الزراقي
نكابد زمانن مايجينا بالاحسان = وركب القوافل غير ركب الحضاره
ترا ماعليك خلاف صاحب وفنان = ليا هرب الماطور قسنا عياره
مرجح الميزان
أبا أعطيك لغز ما أحتمل فيه قولان=وش اللي يجيكم من حصان وحماره..؟ّ!
وأنا خابرك جاري وغالي وفسقان=وعسى الله يسلم جار ما خان جاره
عبدالله حبيٌب الزراقي
يجي بَغل لاهو عير ولآ هو احصان = نتيجة تلاقح بيهم كل داره
الايام تكشف كل صاحب وخوٌان = وراع الوفا يالله تطوٌل عماره