الاخوه الاعزاء بمنتدى الهيلا
السلام عليكم ورحمة الله
ارجو المعذره على التقصير
تعبت وانا ابني القاف واهده = كل ما يفيد القلم فيد للممحاه
ارستك البيت على الوزن واعدة = وليا نويت اكتبه اضيعه و انساه
امسك عنان الفكر وعود اهده = يغوص بحر المعاني ياصل اليا اقصاه
ويجيب لي من سمين الصيد واشده = شد الضوامي لغرب(ن)يقطعن ارشاه
واطلق عقال الشعر واطرده واحده = وذا تمكنت منه يموت في مفلاه
اضرب بسيفى صخر يثلمه واحده = واسل سيفي ويرجع مرغم المخباه
ازريت لا القا الحروف اللي على قده = و لا لقيت الوصوف اللي على حلياه
معذور لو قال لي شعري وصل حده = ابلغ عباره نظمها فيه يا ويلاه
لو كل شعر العرب منظوم في قده = يبقى كلام كثير فيه ما قلناه
ولو حاولو يوصفون الخال في خده = تخجل حروف الهجا وتقول يا عيباه
اضيع في عنقه وفي خصره ويده = وتلقاني في شعره و رمشه وضحك اشفاه
وليا تبسم وهو وده ولا وده = تتعب تدور على المجنون ما تلقاه
وليا نقض جيده المزيون بيكده = سريت ليل الهوى لو طال بي مسراه
يا قلب بالله هد الشوق لي هده = لا تشرب العشق كله ولا تضماه
من كثر ما حبه احب امه وجده = واحب حتى الثرا اللي داسته رجلاه
أموت وأحيا وآنا مازلت في وده = تفداه روحي وعمري وكل شي يفداه
يا ماخذ القلب انا ما قول لك رده = لا صار ماهو مع اللي مثلكم ما بغاه