الذيب الثبيتي
سلام الله على رجال ٍ وفيه من وفا الاجداد = سلام ٍ يشمل الشعار من برقا ليا الروقه
انا اقول الجمل عود ولكن الجمل ماعاد = وجمال الجمل ميت عليه وذابحه شوقه
مرجح الميزان
هلا يامرحبا بك يالثبيتي والهلا ينعاد=تراحيب الرجال اللي بريح الهيل مرفوقه
وأنا اقول الجمل دامه على عد الروى ينقاد=علامك تفلت خطام الجمل وتضيع طروقه..؟!
الذيب الثبيتي
يدوم الك البقا ياصاحبي مليون فالعداد = وازيده لو تشوف عيونك الأسلاك محروقه
انا ماني بجمال الجمل لو شيخكم نشاد = اثر بعض العرب سمعت علوم ٍ جات مسروقه
مرجح الميزان
عسى الله ما يخيب ظنكم وأنتم رجال أجواد=تحبون السلامه.. والسلامه بنت معشوقه
أجل كيف من الدله يالين يقرب البراد= وخل بعير له ربٍ يبا يحماه ويسوقه..!!
الذيب الثبيتي
عسى الله يبقي رجال ٍ كريمة تحمي الامجاد = لو ان المجد يصعب والسلامه جات من فوقه
الا يامعزب الضيفان تعطي والعطاء سداد = ولكن الولد جاني يبى حق ٍ من حقوقه
مرجح الميزان
ولا يالله أنا طالبك لطفك من على بغداد=لو ان ابليس في وسط المدينه ماشي"ن" سوقه..1!
ياطيب الكلمه اللي لا بدت تسلم من النقاد=اذا حق الولد عندك ترى رد الوفا ذوقه
الذيب الثبيتي
احسبن الكلام اللى سمعته يالعتيبي فـاد = ولكن الذي يعصي بيشمي خاذل وقوفه
يخليها تروح .... ولا تقّرب حامد وحمّاد = على شان الولد حقه .... وعمه صح منطوقه
مرجح الميزان
ترى موج البحر من صبة الأنهار ما يزداد=ولكن النهر صبة سحابه توسع فطوقه
يمررها لو ان القص ما يصعب على الحداد=بضربة ماس من حده تشوف متون مفروقه..!
الذيب الثبيتي
ختمها الفارس ....اللى دايم ٍ للمعركه معتاد=بسيفه ماتت العدوان والعـدوان مرموقـه