[غريب ومسافر]

السلام عليكم ورحمه الله وبركاته


احبتي اقدم لكم هذه الابيات المتواضعه وهي في احد الاشخاص عندما تكلم باستهزاء عن بني عطيه وعندما انتبه لوجودي ذكر بأن كلامه هذا مزح ولم اجد نفسي الا وانا اكتب هذه الابيات ردا عليه وايضا رد على كل من يتطاول على قبيلة بني عطيه ومن يتقول عليها والى من يدعي بأن بني عطيه تنسب الابطال المشهورين لها

مثل الفارس المشهور شليويح العطاوي العتيبي

واحب ان اقول بأن بني عطيه فيها فرسانها وعقداها وشعرائها وليست بحاجة
الى ان تنسب ابطال القبائل الاخرى لها والقصيده هي

انا عطوي ربعي على الموت جسار = ياللي جهلت العلم خذ ما تريده
بني عطيه لابتي بعاد الانظار = حافظ لها التاريخ ماضي تعيده
ان كنت تجهل في سواليف واخبار = اعطيك موجز بالعلوم المجيده
ما هو جهل فيهم ما تاتيك الاذكار = لان مجلسك ما فيه نارا وقيده
ولان مجلسك مجمع لكل ثرثار = دايم سوالفهم دروب النكيده
ما دوجوا به من هل العز مسيار = اهل العلوم الطيبه والمفيده
ولا دوجوا به من هل البن وبهار = وكلا يوثق سالفته بقصيده
ربعي تراهم يالردي ناس خيار = تعودوا للطيب كلا يجيده
دايم مجالسهم على شبة النار = ودلال بغدادا تقدم جديده
والضيف لا جاهم به الكل يحتار = كلا يهلي به وكلا يريده
شيوخ فرسان على قب الامهار = للطيب طيب وللمعادي عنيده
يوم المغازي فوق عدلات الاكوار = كم فارسا خلوه يصبح طريده
وكم فارسا راسه عن المتن طيار = رموا به اللي بالمواقف سديده
رموا به اللي ما يهابون الاخطار = اللي فعايلهم فعايل حميده
لا صوت منادي غدا الكل حضار = تجمعوا ما ظل منهم قعيده
كل يريد الموت قصاف الاعمار = والنفس ما هي للمذله مريده
اما حياة بعز مع ربعا احرار = ولا عيشه بين القرايب نكيده
هم مكرمين الضيف حماية الجار = زبن الدخيل وكل منهم وليده
وإلا انت من طرش البحر جيت بحار = نفسك ما هي من هرجنا مستفيده
مالك فخر لو تدعي بعض الاسرار = خذ نصها عبر البيوت الجديده
انا عطوي ربعي طويلين الاشبار = واعطيك موجز بالنسب وتحديده
حنا بني (( معاز )) لا صار ما صار = عاداتنا ناصل لشي نريده
(( معاز )) دون له تواريخ واسطار = من نسل ( اسد وعزوة ربيعه بديده )
انشد وتلقا العلم في كل الاقطار = والله يدبر كل شي يريده

وسلامتكم ،،،،،،

مـجـاهـد مـحـمـد ظاهـر الخـضري الـعـطــوي