سلام علاكم 
بعد فترة صمت ها أنا أبوح :
ألا يا شعر ما حنـا بأعادي =بلاش من التجافي والعنادي
على شـان أيش تجفى من يودّك=نسيت إن بيننا ملحٍ وزادي
تعال اليوم لك عندي مهمّة=أبا أحطك على ظهر الشّدادي
أبا أسلّمك من كفي رسالة=رسالة عطرها عنبر وكادي
توصّلها هنوفٍ من سببها= عيوني ما تهــنّت بالرقادي
وتأخذ لك رسالة غير الأولى = رسالة عطرها خشم الزنادي
تسلّمها لعذّال الهواوي=عســا ماله تواجد في بلادي
ألا يا عاذلي كفّ النصايح = صراحة لا حياة لمن تنادي
انا عاشق ولا في العشق حيلة=وأنا شاعر يهيم بكل وادي
إذا طرد الهوى ما فيه حاجة = أجل عشقي لخلي شيّ عادي
ولن كان الهوى يحسب ملامة= فهذي تعتبر كبوة جوادي
لذلك لا تطوّلها وتتعب=ترى اللي ينصح العشـّاق غااادي
وأنا باقي على الموّال الأول=ولا ملّيت من ريم البوادي
ولا ينقص غلاها من ضميري=أفادي دونها يعني أفادي
إذا طلّعتها من نون عيني=أنزّلها على عرش الفؤادي
ولو عاتبـْت وإلا عاتبتني=يكون عتابنا للبعض هادي
ولو تطلبني أجيها لأجيها=ولوّ أمشي على بطون الأيادي
أنا قدّامها أعلنت الهزيمة = كما الأنصار قِدم الإتحادي
تحيااااااااااتي