اقتباس:
المشاركة الأصلية كتبت بواسطة مطيري ضيف
بسم الله الرحمن الرحيم
مساكم الله بالخير
الموضوع ماكتبته الا يوم طفح الكيل ووصل حده
معقول معقول
كل من سب عتيبه قلتوا مطيري وكل من سب مطير قلنا عتيبي
كل ورع يقول له كلمه يفتن بيننا وقمنا نسب بعض وهو يضحك علينا
كل ماشفنا عتيبي طيب سبيناه وكل ماشفتوا مطيري طيب سبيتوه
كل ماقالوا مطير هزمنا عتيبه في كون ولا مناخ قامت الدنيا
وكل ماقالوا عتيبه المثل قامت القيامه؟؟؟؟
ليش ليش
كل هالسب
كل هاللعن
كل هالتجاوزات من ابناء القبيلتين
يالربع والله انه شي يحز بالنفس
ادري فيه ناس بيقولون علم عيال عمك في منتداهم
ارد واقول عيال عمي مهوب ملائكه لهم اخطائهم مثل مالكم اخطائكم
يالربع انتبهوا ترى فيه وراعين ورى هالنت تسبب حزازيات وتعصبات بين ابناء اشرف القبائل ترى اجدادنا ماكانوا كذا ترى مطير وعتيبه جيران وعواني انتبهوا انتبهوا
الحل عند المشرفين في منتدى مطير والهيلا
وهو كرش كل ورع يحاول يسبب فتنه بينهم (اللي على راسه بطحه يحسس عليها).
(واذا كانت على الحروب منول نقول مافيها شي اذا مطير هزمت عتيبه قبيلة طيبه ومانهزمت الا من مثلها واذا عتيبه هزمت مطير قلنا ماهزمنا الاطيب والعلوم ذي مايزعل منها الا الجاهل بس اي واحد قبل يقول شي
يجيب اثباته مايقوم يتخبط ويجيبها شاميات عاميات علشان يحاول ينتقص من الاخر)..
واكرر واقول ترى فيه مداسيس يحاولون يستخدمون منتدياتنا تصفية حسابات والحساب يكون باثارة الفتنه
وبالنسبه للي بيقول شف مجالس حمران النواظر اقول من حقك تسجل في المنتدى وتقول الي بخاطرك بدون سب وانا اضمنلك ماتلقى الا كل علمن طيب واذا حصل غير هالكلام يراسلني على الخاص ويبشر بكل خير
وقبل ماتقولون قل هالكلام في منتداكم اقول صدقوني بتلقون نسخه منه في المنتدى
واسف على الاطاله ولكم تحياتي /مطيري ضيف
|
حياك الله يالمطيري وكلامك كلام رجل عافل وانت على العين والراس
لكن صدقني لو تركز على منتديات مطير وتوجهلها النصائح يكون افضل
وابناء عمك في منتدياتاهم هم اللي جلبو المشاكل با اكاذيبهم وتدليسهم
ومحاولاتهم اليائسه من التدليس وانتقاص حقوق عتيبه التاريخيه
ولو استطعت تغير ابناء عمك وتجعلهم يتركون التدليس والتحريف وانتقاص حقوق غيرها تاكد انك لن تجد احد يهاجمهم
وكما تدين تدان
نظفو منتدياتاكم من الا كاذيب والتدليس والانتقاص من غيركم
وبعدها تعال هنا واطلب ما تريده
الا هذه اللحظه ومنتديات مطير العفنه تحاول الانتقاص من عتيبه
فليتك بدات من هناك