اجتماعية آمل ان تعجبكم
صديق الرخا ياللي تنادي بخدمة شي=وانا عارفن ماشي ياراعي الخدمه
وصلنا معك للكي وشعاد عقب الكي=ياجرح(ن) مشيت مع الجسد واولك كدمه
بيوت الردى لامن رفاعه ولامن فيّ=على روس اهلها يالله الصبح منهدمه
سلامي على راع الوفا والضمير الحي=ويالله لااصغر في عيونه ولا اعدمه
عسى ديرته للرايح اللي لبرقه ضي=يباشر مداهيله على رايحٍ قدمه
فديته بمالي واحتمالي وفعل يديّّ=وجاه البيوت اللي لمدح الوفي حدمه
تهادي على غاية مراده شوي شوي=يادنياه واعداه افصليهم من الخدمه
بقوة وقدرة مخرج الميت من الحي=لحيث الوفي صدمة غيابه هي الصدمه