اخواني اعضاء منتدى الهيلا هذه المجاراه لقصيده الشاعر بندر بن سرور والتي يقول فيها
يابنت كبي واحدن مايصلي
تارك عمود الدين مالك وماله
جاريت انا هذه القصيده على طلب احد الاصدقاء بشرط ان تكون المجاراه على نفس الموضوع وعن الفكره نفسها وأمل ان تحوز على رضاكم
يابندر بن سرور محدن فطن لي
وين الرجال وين راع الجماله
امسيت كني ضايعٍ ومتجلي
ورى احدود الشام وارض الطواله
سبة هنوفٍ عشقها ماحصلي
قلبي عليها محترق من هباله
لاشفت سود اعيونها جيت كلي
اثر المحاجر من وراها دلاله
يابنت عيفي من يشل المشلي
ترى قصير البوع مافيه طاله
عيفيه لويقبل ويقفي مولي
من لايعرف الله راسه دماله
خلي محله وازبني واسفهلي
ترى العوض شيخٍ يسرك قباله
يابندر بن سرور خلك محلي
روس العرب تطمن وترقى الحثاله
بيتك ثمين ومقصدك جايزلي
والدين والدنيا طريق العداله
اخوكم
مناحي حمود الدلبحي