[مشاري الشلاحي]

السلام عليكم ورحمة الله وبركاته

أقدم لكم هذة المتواضعة أتمنى أن تحوز

على رضى الجميع

	ياللي تحسب ان العلا توكل كمـا تمـر وعنـب=لو هي كـذا كـان الجميـع ايطولهـا وينالهـا لكن ترى درب العـلا والمرجلـه يبغـى تعـب=واللي عشقهـا شـرب مـر ايامهـا والليالهـا قلته وانا شاعر وبن شاعر وفي صدري عتـب=اعتـب وعنـدي مشكلـه ماحصلـت حلالهـا دعوى تهم اللي بهم نخـوه عريبيـن النسـب=يـوم الـردي مالـه ورا العليـا ولا يشقالهـا ياهل الوفاء والعرف وشهو ذنب ديوان العـرب=اللي على اعصرور الجهل ورث العرب لجيالهـا واليوم مثل القـدس محتلـه وعـود مغتصـب=واصبح بحاله مزريه من به صخـاء يصخالهـا ياقوم حان الوقت تحريـره ولـه حـقٍ وجـب=مال المواقف والشدايـد كـود روس ارجالهـا وقفة رجال ابطال بالشلفاء وبالسيـف الحـدب=والزمـره المستشعـره لازم مـن استيصالهـا الشعر ياهل الشعر مظلومٍ اسنيـن ابـلا سبـب=وعاقـوه جاتـه زمرتـن فـال الله ولا فالهـا ناسٍ تحسب الشعر شياً سهـل وأمـرٍ مكتسـب=وجاته قناواة الفضاء واتقـن علـى استغلالهـا والشعر ديوان العرب ياهل الوفاء حكمـه وادب=يحسب رساله ساميه لارض العـرب وامثالهـا والشاعر اللي مايصوغ القاف كاصـوغ الذهـب=ويحكم معانيها مـن اجـل اتنومسـه لاقالهـا اخير له يرتاح مـن شعـره ومالـه والنشـب=ويكتم علومه وسـط صـدره لاتبيـن اشوالهـا لايقـوم يشعـب فاطـرٍ جربـا لعلـه للجـرب=النـاس تـدري والكحيـلا عارفـه خيالـهـا كم نعرف اسماء لشعراء واشعارهم حسب الطلب=لابيـض الله وجـه مـن لا جاتلـه سوالـهـا وقتٍ عجيب امـره علـى العاقـل ولله العجـب=وصلت لحـد الشعـر عالـم تشتريـه ابمالهـا ياعنـك يارجـالٍ يبيعـه مايقـلـط لشـبـب=وحرام من صفر الـدلال ايصـب لـه فنجالهـا قلته وانا (1)بعيد المغازي واعترف لطلـق شنـب=وافخر وانا من روس قومـن تنعـرف بفعالهـا تارد حياض الموت يـوم الـدم ياصـل لركـب=كيد العدى والطيبـه ياهـل الوفـاء نسعالهـا واللي جهلبي ينشد اللي لـه يطيعـن الصعـب=ينشد (2)تراحيب ابـو نايـف والسـلام اكمالهـا

الشاهد الأول:بعيد المغازي أحد مسمياتي في أحد المنتديات

الشاهد الثاني:تراحيب أحد الرجال الأوفياء والوحيد الذي

يعرفني في ذلك المنتدى بهذا المسمى

أخوكم:مشاري بن معزي المطيري