مرزوق حمدان العتيبي
تعال يامعجب نبا منك الخبر .. وش صار فالعربان بالوقت الاخير ؟= ام الكباير جت تجر اهمولها .. واللي عقد روس الحبال يحلها
حنا رياجيل المراجل والفخر .. والعهد والمعروف والسيف الشطير = واهل الخيانه باطل ٍ مفعولها .. واللي عقد روس الحبال يحلها
معجب العتيبي
ماني بعيدٍ عنك شفني بالنظر..وآمر وتلقاني على نفس المسير=وام الكباير مانغر احلولها..واللي عقد روس الحبال يحلها
حنا لها في كل موقف (لافخر)..في جهل والا حاجة العقل الشوير=واهل النذاله ماجهلت فعولها..واللي عقد روس الحبال يحلها
مرزوق حمدان العتيبي
العلم واضح والخطا كبر القصر.. ماعاد يبغاله مجامل يامدير = عان الجمال امحمله بحمولها .. واللي عقد روس الحبال ايحلها
اثر الطبايع مايغيرها الدهر .. فاللي سمعنا ارغاه من بعد الهدير= خسه وبانت وانكشف مدلولها .. واللي عقد روس الحبال ايحلها
معجب العتيبي
العلم واضح بان قدام البشر..كلن يقول الشر بيّن مستطير=والمغلقه منهو يفك قفولها..واللي عقد روس الحبال يحلها
الظاهر ان العود طوّل بالسفر..والا وصله الحلم في وقت الشخير=واصبح سواليف المنام يقولها..واللي عقد روس الحبال يحلها
مرزوق حمدان العتيبي
اهل الجهاله مالهم غير الحشر .. واهل الشكاله شانهم شان ٍ كبير = اقولها واهل العقول اتقولها .. واللي عقد روس الحبال ايحلها
اللي نقص عقله وطاوله القهر .. ماله من اللي قاله السانه مطير = يبغا ينوش ارجال ماهو حولها .. واللي عقد روس الحبال ايحلها
معجب العتيبي
اهل الجهاله لاتلد الهم بصر..خل الصغير يعيش في عمره صغير=مالك ومال الناقصه وثلولها..واللي عقد روس الحبال يحلها
اللي نقص عقله قرب منه الخطر..واصبح يعيش مع البشر كنه ضرير=ماهمّ عرّاف العرب وزحولها..واللي عقد روس الحبال يحلها