أبو وافي العتيبي
ســـلام ياللي تعـــرفون المعـــاني =ياهل الوفاء والطيب وأهل المبــاني
يطرب لكم قلــبي ويهــرج لســاني =قال المثل مافيه شيء على الكيف
تعال ياللي تلعب القيفـان=هات الخبر والليل ياساري
نبى شجاعٍ يصدم الشجعان=ماينكسر والليل ياسـاري
احمد الزايدي
يامرحبا ياالــقرم ياأبن القرومي=لك مــاقــف يارجل وقــت الازومي
تعرف قوانين العرب والسلومي=قال المثل مافيه شي على الكيف
جيتك يابو وافي وأنا طربان=وأخذ العبر والليل ياسـاري
في ماقفي فارس بظهرحصان=با المختصر والليل ياساري
ابو وافي العتيبي
دام البقاء وأنته من أهل الشجاعة =في مركبٍ ماشي ومطلق شراعة
وأقـــــول لك ياذيب سمـعٍ وطــاعة=قال المثل مافيه شيء على الكيف
البرق يابرق عالي الأمزان=هل المطر والليل ياسـاري
يالزايدي مادري عن العربان=بعد السفر والليل ياسـاري
احمد الزايدي
الجيش وأهل الخيل والفرسـان=سجـل لــهـم تاريـخ فـاالمـــــيـدان
مــعـارك يفــخــربهـا الشجـعـان=قال المثل مافيه شيء على الكيف
الرحمه أن جتنا من المنـان=ماجا خطر والليل ياسـاري
اللي يسافر يدعي الرحمـن=ويلقى الضفر والليل ياساري