العازمي
حكمني زماني مثل حكمي لأبن عساف = وانا مارضيت ان الزمن يبعد الخطوه
معزّي حكمها بعد ماشتت الاشراف = ولاهي غريبه منه دايم على الهقوه
سلطان الجـذع
والا عتيبه عازمي ماعليه خلاف = لكن اغلب الاحيان ماهو بفي صحوه
رضيعٍ بكرت الشعر يادووبك أمس مضااف = ولو تحتزم فزعتك ماتاصل الحروه
العازمي
لك الله ياسلطان الجذع مانقول اجحاف = كلام الصحيح العازمي للجزل قدوه
بعد جيت وخّر يالجذع وامسك الاكتاف = ومثلك على بالي ليا جات للنخوه
سلطان الجـذع
أبا اشيب براسك قبل لايشيب القاف = انا في ضميري من جنون الشعر عزوه
لكن أحمد الله يوم نأخذ معك محررراف = قبل معك نلغي منهج اللين بالقسووه
العازمي
تطلع جنونك سورة الجن والاحقاف = ولن عاودت بعدين ندبلّك الغزوه
وكانك وسيع ابطان تبدي على المشراف = يبا ينقلب سرج الكحيله لها حذوه
سلطان الجـذع
لاتقرب من القُرآآآن ويديك غير نظااف = والا ياحصان القوم جالك 100 كبوه
انا اعتب على اهل الطيب حماية الميقاف = حرامٍ عليك تحط مع صفوة الصفوة