مقعد الدغيلبي
سلام رديه على الهيلا طحاطيح الرجال=ربعٍ تشرفني واشرفها لياجات اللزوم
تعال ياالساطي نبا نعطيك ياالساطي سؤال=لاشفتلك حرٍ يحوم احذر يابن عمي تحوم
الصاطي,,
يا مرحبا ياللي على المرقاب وتنادي تعال= حنا رياجيل اللزوم ولا تحسب انا ارخوم
الاوله ماشفت موضوع يبا يحمل جدال= والثانيه من شال سيفه لدفاع وللهجوم
مقعد الدغيلبي
ماقلت فيك قصور والموضوع مافيه احتمال=دامك من ارجال السلوم احذر تضيع فالسلووم
الاوله والثانيه ماللحمول الا الجمال=وانا احمد الله واشكره فاللازمه حضي يقوم
الصاطي,,
ارسلتك تسوق الجمال وجيت مشتال الحبال= الله يعين الصاطي اللي بذه الوقت الظلوم
مالك ورانا مال يا مقعد ولا نطلبك مال= وسالفه ماهيب صعبه كلها هوشة بقوم
مقعد الدغيلبي
انته جمالك باركه وحمولها دايم ثقال=والا الجمال الثانيه بخدودها جالي وسوم
مانطلب المده من كفوفٍ شحيحه يارجال=انا ادري إنك في زمانك يابيض الوجه محروم
الصاطي,,
يا شاعر انترنت خلك هاكذا روح وتعال= ولله ماتاقف ماقفي لو ساعةٍ من نص يوم
لو ان مقعد يعرف الصاطي سكت ما عاد قال= وليا بغى يهرج بكلمه من بعد حب الخشوم
مقعد الدغيلبي
شاعر لياجات اللوازم مختفي سد الجبال=ياتاجرٍ في حلة التجار عنده فص ثوم
انا بغيت المسك بس المسك في دم الغزال=لكن يالساطي تريح في ضلالي ومخدوم
الصاطي,,
هذه حقيقة وضعكم يا نخبة الشعر الحلال= معكم وسام المعرفه رسمه ورقم من الرقوم
انته وصاحبك العصيمي ماوراكم راس مال=الله يعين الأرض ويعين الكواكب والنجوم
مقعد الدغيلبي
هذي حقيقه وانت ضيعك الجهل والانفعال=مد النظر مد النظر لاتقعد تطيح وتقوم
انا وابو طايل ليا شفناك في وضع احتلال=نحمي حدودك وانت نايم بين ليل وبين يوم
الصاطي,,
مديت شوفي مير ماش الا الدهر في كل حال= يالله يا ربي تحيي الأرض السنه ونت الرحوم
الله يحقظكم مانبغى عندكم شرب زلال =لو بس نضحك لا لقيناكم وستر الله يدوم