سلطان الجـذع
يالعصيمي بيننا الليلة ،،مثل حرب الرغامه = سامعين الاولة والثانية واللي بعدها!!!
والحقيقة من نويته لايفكر فالسلامه = لو ركب سرج السبوق اللي تخطف الريح يدها!!!
سعود العصيمي
يا لجذع ماساع قامة من على راسك قيامه = كان ناويٍ حرب فوق الغرب يارجال قدها
والعصيمي من تعرّض طرقته كسرعظامه = لن قدرت الزود ياسلطان وقت الحرب زدها
سلطان الجـذع
لاتعاين فأم خدٍ ماتستره اللثامه = كيف تفتنك بعيونٍ ماتداوت عن رمدها
والعصيمي ليه هذرى في حتى في منامه؟؟؟ = يسمع الحجه من أصحابي وينسب لي سندها
سعود العصيمي
مانعاين غير في سلطان حماى الجهامه = والرجال اللي تواعدنا نوفي في وعدها
العصيمي مايحسب احساب لاباس العمامه = لو غزوه الروس جاي محتلها والا هجدها
سلطان الجـذع
الولاء عطه الزعيم اللي على عرش الزعامه = ماانت جاهل يالعصيمي واقع الغابه واسدها
يقلع الله شاعر يبقى بخد الشعر شامه = مثل ابو طايل يغثرب فالعدود أليا وردها
سعود العصيمي
الشداد إنّا ترانا ماطمعنا فالمسامه = فوق سلطان الجذع بولّع النار ابزندها
لاوردنا العد ياسلطان صدرنا حيامه = لاتعاين فالقريّب والبنايه من عمدها
سلطان الجـذع
والله انا ماخبرنا ظل في عود الثمامه = والليالي يالعصيمي سبتها قدام أحدها
انت في جبهتك خط أحمر بقى مثل العلامه = مار روحك عن ذنوبك من نشدها من نشدها
سعود العصيمي
لاتعلمنا نعرف اهل القرم واهل الرخامه = والليالي شيّبت شيابها وانهت ولدها
وانت في جبهتك خط اسود وفي راسك حجامه= لاتدورها ترا من دور الحاجه وجدها
سلطان الجـذع
لا ... نعلم واحدٍ مالله عطاه الا الغشامه = وكان شفته ماتعلم فيه شئ أمر وادها
السحيمي يوم جاء ينقد خويّه في كلامه = قال : يلمس راس مبخوته يحسب انه نهدها !!
سعود العصيمي
اثرك اللي يحسد المسلم على ماه وطعامه = مار مانت مشدّد الك روس قوم من بلدها
والله إنا ماخذانا من شعيل الا سنامه = مار ريّح لاتعرض للهبوب ولانصدها
سلطان الجـذع
أنت عود بعقل ورعٍ دووبه مكمل فطامه = ناس ماعاشت بنعمة ماخبرت أحدٍ حسدها!!
يالعله بالهناء اخذه من ولد عمك كرامه = مثل ماتزرع علوووم الطيب فالوقت تحصدها
سعود العصيمي
ورع والا عود لاقام الك ماتحمل مقامه = كل ماقام الك نقز من عواناتك بردها
وش نسوي ياعتيبه في سواليف الهلامه = قلت اله خل الهزيله ياعتيبه واعتمدها