أنعم وأكرم بقيلة سبيع الغلبا مدلهة الغريب
وعلى سؤالك أخي السبيعي
اسمح لي أجاوب عن ابن عمي
قصة (سن الدخيل سنه وشهرين)
ومن المعروف عند العرب بالماضى ان الدخيل يعطى سبع ايام ولاكن بعد هذي القصه اختلف الامر واصبحة عتيبه هي اول( من سن الـدخـيـل)
حيث ذكر الاستاذ الباحث والكاتب المعد / أحمد البرجس في احد مقالاته
( سيوف الجزيره - عدد12615 ) بتاريخ ( الخميس 3 يناير 2002) وغيره مصادر كثيره
وكان الاستاذ احمد البرجس يتكلم عن تاريخ قبائل شبه الجزيره وكان نصيب الاسد لـ عتيبه وتكلم عن بطولات عتيبه ومن ضمنها تكلم عن هذي القصـه بشكل خاص
يـقـول : الكاتب احمد البرجس الشمري
وال أبو رقبة معروفون بشجاعتهم وبسالتهم واخلاقهم الطيبة عموما, وقد حدث ان رجلا من قبيلة عتيبة
وجد صبيا تائها في الصحراء قد ابتعد عن اهله وكان صغيرا بالسن على اثر عاصفة شديدة استمرت عدة ايام فضمه الى اولاده ورباه معهم فلما كبر ذلك الصبي واصبح رجلا
تشاجر مع احد ابناء الرجل الذي آواه
فقتله وهرب وزبن الى عدة قبائل من عتيبة ولعظم جريمته قطعت عن العواني ( وكلما زبن على قبيلة أبت ان تقبل نقل عانية )
الى ان وصل الى ذوي زياد من النفعة وكان الوقت قريب المساء فوجد جمعا من اولادهم يلعبون فسأل من رآه منهم نبيها عن اسمه فأجابه اسمي ( شـعـبـان ) فوضع الرجل عقاله في عنق الطفل
وطلب منه ان يذهب الى حيث يجلس الرجال ويردد عليهم عبارة ( قـطـاع العـر شـعـبـان ) والمقصود بالعر هو الشر فقام والد شعبن وجماعته ذوي زياد وركبوا خيلهم
وتوجهوا الى خصوم الرجل يبلغونهم ان الرجل قد دخل عليهم وقد اجاروه لمدة شهرين
فرفض خصوم الرجل هذه المدة وقالوا ان دخل حسب سلوم القبيلة المتعارف عليها وهي بحد اقصى عشرة ايام فطال الجدل بين ذوي زياد وخصوم الرجل ( فأقسم والد شعبان )
انه سيدخل (الرجل سنة وشهرين )
فوقف ذوي زياد الى جانب والد شعبان وانهم مجيرون للرجل المدة التي حددها بسنة وشهرين حتى تنقضي المدة فيعتبر بذلك شعبان الزيادي او من سن الدخل في قبيلة عتيبة سنة وشهرين واصبح ماضيا الى الان .
(حيث وقف هنا )
وكما تعلمون ان كثيرأ من الشعار كتبوا في عـتـيـبــه وتطرقوا لي هذي القصه وهذا بعض منهم
يـقـول احد الشعراء :
حنـا عتيبـه ملحقيـن المخليـن= بعنا بسـوق الطايـلات وشرانـا
قومٍ على صولات الايام ضاريـن= لو عضنا ناب الدهـر مـا قوانـا
يهابنا الطماع لـو قلبـه اذهيـن= نبطش محـلات الطمـع لاغزانـا
لنـا سلـوم غاليـات المثاميـن= سلومنـا محـدن حملهـا سوانـا
في سلم لوماء الوجه عام وشهرين= وادخيلنـا مامـون داخـل حمانـا
ثلاثمايـة يـوم تـزداد ستـيـن= تنحا المنايـا عنـه هيبـة لحانـا
الشاعر الكبير / كديميس العصيمي
وهنا يقول احد الشعراء , وهذي بعض الابيات من القصيده :
والنعم بـآلاد النفيعـي هـل الجـود سعد الرفيق مزبنـة كـل مضهـود
ذخر الحرار الشقر لن ثـار بـارود علم عليه ثبـوت ورجـالٍ شهـود
سوات الصقـور بنائفـات الجبالـي
ياللي ذكـرت أمجـاد آلاد الزيـادي عز الرفيـق وسـم كبـد المعـادي
أهل الفعول أيـام قبـض الزنـادي فرسان شهب الخيل يـوم التنـادي
نجـاة الدخيـل ومحتميـن التوالـي
في ماضي أيـام الدخـل والدخيلـة يعطـي الدخيـل أيـام سبـع قليلـه
مـا تختلـف قبيلـة عـن قبيـلـة منا الحكيـم اللـي جعلهـا طويلـة
سنه مع سنه زائد شهـور طوالـي
المذهب اللي سنـه الشيـخ شعبـان دون الدخيل اللي من (.............)
هذا صحيح ويثبـت القـول برهـان غصبا على الأخصام راضي وزعلان
كما السيف في يوم اللقاء والقتالـي
الشاعرالكبير / عايض بن عويض الزيادي
و قصيدة طويله وهذي بعض الابيات منها :
و
مقدم هل الحرشا ومقدم هل الإشوار =وزبن الدخيل اللي عيونـه مسهرهـا
ولا من دعانا شيخنا وافي الأشبـار=تجيه الرجال اللـي للأيـام ذاخرهـا
سلايل هل الحرشا هل الموقف الجبار=منول يوم(ن) الحرب طلقـه تثورهـا
سنه وشهرين ادخيلهم ما عليه أخطار=ومطالب ضميره كل واحـد يوفرهـا
الشاعر / منصور بن فلاح بن جدعان
وهنا بعض الابيات من قصيده طويله ايضاً:
وربعي هل الحرشا هل الجيش والخيل=ياكـم دخيـلٍ اهتنـا فـي ذرانــا
فوق السنه شهرين هو عندنا دخيـل=فعلٍ عليـه شهـود حـق وضمانـا
اهـل مهيوبـه للعـدا كنهـم سيـل=يّنـزل العالـي ليـا هـو طمـانـا
ومثل الحجاره من طيـور الابابيـل=تجعل من اللي كـان كنـه مـا كانـا
الشاعر / براك بن عمش الزيادي
وهذي بعض الابيات من قصيده اخرى :
زبنا الدخيل اللي ذاق من هول الزمان وخاف=وتنحّـر للبيـوت اللـي تذرينـا مذاريهـا
ولهاله عن هبوب البرد والذلّة قرا ولحـاف=شهرين فوق السنة تمّت وشعبـان باديهـا
الشاعر / فهد بن جلوي الزيادي
______________________
وهنا ختامها مسك وهذي قصيده .. لـــ الشيخ خالد بن عمر أبورقبه .. حفظه الله
حيث قالها رداً على الاخ المحترم / نجر الروقي
لان الاخ والاستاذ / نجر الروقي ذكر وتكلم عن افعال للقبيله ذوي زياد ومن ضمنها ذكر هذي القصه
وجاءت هذي الابيات من الشيخ خالد أبورقبه تعبيراً عن مشاعر قبيلة ذوي زياد
يقـول :
مشكور يا ابن العـم نجـر العتيبـي
علـى العلـوم الوافيـه والدقيـقـه
اعجبتني يانجر بقـول(ن) يصيبـي
عـزالله انـه صـدق مابـه لفيقـه
ذكر الحقايق حـق ماهـوب عيبـي
والناس كل(ن) له اسلوب وطريقـه
لا أنت بطليب ولاحضـرت لطليبـي
لكـن فيـك مـن المـروه خليقـه
قلت الحقيقه في زمـان(ن) رهيبـي
ماعاد يوجـد مـن يقـول الحقيقـه
ضعنا وضاع الصدق واصبح غريبي
ماعـاد لـه فـي مجتمعنـا عليقـه
إلا العريب ابـن الاصـل العريبـي
نفسه على قـول الحقايـق شفيقـه
من حسن ذات الرجل وطيب النصيبي
يقول كلمة حـق لـو فيـه ضيقـه
شهادة(ن) نشرت وقول (ن) عجيبي
انـا اعتبرهـا للقبيـلـه وثيـقـه
كل(ن) شهـد يانجـر والله رقيبـي
بالي ذكرته من علـوم(ن) عميقـه
من يدعي بالصـدق جالـه مجيبـي
والكذب في قاعـة قليب(ن)غميقـه
تذكـر ذوي زيـاد سقـم الحريبـي
اهـل مهيوبـه والفعـول العتيقـه
واليا تعلوا فـوق قـب(ن) هذيبـي
يفرح بهم لا صـاح راع الوسيقـه
دخيلهـم يامـن ولا لـه حسيـبـي
فوق السنه شهريـن رجلـه طليقـه
سلم(ن) مشى بين القبايـل بطيبـي
شعبـان سنـه والقبايـل لحيـقـه
الطيب من طيـب القبيلـه نطيبـي
قبيلـة(ن) تجمـع قبايـل شقيـقـه
عتيبه إللـي فـي اللقـا ماتهيبـي
كل القبايـل فـي نحرهـا سحيقـه
برقا وروق مـن بعضهـم قريبـي
الجـد واحـد والقبيـلـه عريـقـه
عدوهـم مـذبـوح وإلا عطيـبـي
وقت(ن) مضى والثوب كمـه ذليقـه
يانجـر سامحنـا علـى مانجيـبـي
نبدي المشاعر والعواطـف رقيقـه
مودتي
الحلحلي