فواز
سلام الله عليكم من هذيل اهل الكلام الزين= سلام(ن) يرضي العتبان قاصيهم مع الدّاني
كسبنا الاوّله والثانية عنّا تروح منين= هذيلي من هذيل العفت ما واحد تحدّاني
الصاطي
هلا يا مرحبا بك ياسعيدي ونت منت بشين=انا اعرفك صحيبٍ لي قريب طول الأزماني
انا ماقول فيك اقصور شاعر تكسب الثنتين=وانا شاعر عتيبي كيف اذم هذيل جيراني
فواز
يدوم الك البقا والهند ما يقواه غير الصين=وحنا نحترم مبداك وندافع عن العاني
سمتنا من قديم الوقت يالصاطي لياهلحين= الاول دايم الاول محلّه ماهو الثاني
الصاطي
خلقك الله على غبة بحر يـا دولـة البحريـن=وانا ذيب السـراة العاليـه مانـي ببحرانـي
من اول كان الأعور مايشوف الناس غير بعين=لكن العين عميت والعصا ماتقضـي الشانـي
فواز
تقوله والعزاوي جوك صلع الروس سباحين= وانا لو كثرت الحيتان لازم حد مسكاني
وروس الروم فرحت مار جاي السيف ابو حدّين=ويحلق روس كل الروم يابو زيد من داني
الصاطي
صديع الراس لا يقض اللزوم ولا يسد الدين=وانا خابرك ماعندك جناحٍ مثـل جنحانـي
لك الله مافرحنا يوم مات الشيخ ابوحثليـن=محسفنا البطـل لوكـان ماحنـا بعجمانـي
فواز
انا ماقول فيك قصور وانت معرّب الجدّين= لكنك يالعتيبي دن في راسك حميداني
صليب الراس خلاكم طشيش وشبّع السكّين= بعدها يالعتيبي منزوي ماعاد تبراني
الصاطي
نطحنا الناس وجنود السماء العالي نهار حنين=قبل تشري هذيل المارتين وصنـع الألمانـي
علي بالحرام انك ماتسري لـو بحبـة تيـن=ولـو تسـري بحبـة تيـن ماحنـا بعتبانـي
فواز
تذكّر قصّة البوباة يابو زيد رايح وين= تورسلنا هوازن بالقنا وبحد شاماني
ياماشا الله ياذكر الله عتيبي صامل الزندين= لكن الذيب ناوي للعشا ماراح جيعاني
الصاطي
انا خابرك تشتال العرب بيدينـك الثنتيـن=ليا شفت الطراقي ماتجنب غيـر شبعانـي
تروح امزهب الطرقي وتاكل عيشة المسكين=وتطلع فالشجر والنوم بين اوراق الأغصاني
فواز
وانا خابرك تشتال الذلول اللي لها حبلين= وصارت من سببكم نص خلق الله حفياني
الا يا كرهنا للي يحفّر في ركيب الطين= لياامسى الليل قام يسوف زقمه زقم قوماني
الصاطي
طمايعنا ثمينه ونتقاضاهـا مـن الجمعيـن=وطمايعكم عصا الطرقي ومره جوز حذيانـي
وانا خابرك وبر الضلع ولك مع الجبل دربين=لا سد الدرب الاول في دقيقه تعطي الثانـي
واعتذراذا كان هناك اي اخطاء في التنسيق
مع العلم انني قمت بتعديل بعض الاخطاء الاملائيه حسب معرفتي
فاعتذر من الشاعرين واسجل اجابي بهم وبهذا الطاروق
اخوكم مرزوق الجعيد
ابو نواف