شاعر الحفاه
ام الكباير جت لها بوليّد من سوق الحرام = وسعود ابو طايل منه وش لون تبرى ذمته !!!!!
وانا مسلطني عليه الله من عشرين عاام =في كل يوم وليل أبرد ياعتيبه غمته
سعود العصيمي
ام الكبائر عمتك وعيالها اثنينٍ توام = واحد بلا عمه وواحد فوق رأسه عمته
واطيبهم اللي يوم جيته راح روح بلا عظام = يالله ترحمنا ليا كنا السبب بمطمته
شاعر الحفاه
مرزوق بن حمدان في هذي يلحّقك الملام =دايم تذمه !!! والعرب طير السعد ماذمته
انت متغير لك حوالي شهر ,,,,حتى فالكلام = الحضرمي شفته تحت برطمك يدخل شمته
سعود العصيمي
رح قل لسطاااان الجذع لنكان في خشمه عرام = لايدرق ويحطك امراسل تقوم امهمته.
انا خصيم القوم لاحان المعاند والزحام = وانته كما عدٍ ربع ساعه وتلحق جمته
شاعر الحفاه
سلطان خله ليه في مرزوق جردت الحسام =تخطي طريق الهاشمي وانته تعد من امته
مانت بخصيم القوم فالماقف ولا قد الخصام =ماهو بمفتك الطلي كان الذيابه خمته
سعود العصيمي
الكلمه اللي تلحق الرجال فالماقف ملام = اولابها من قالها مصيرها جمجمته
خاصمك فالميقاف من جدك ومفتك الجهام = حرآ مخالبي لياناشت سواتك دمته
شاعر الحفاه
عزالله ان الرجل ماقصر وقلدك الوسام = مير العصيمي مايخلي ياعتيبه نمته
ماعاد باقي في زهابك لا شراب ولاطعام =ياليتها ماحملت وفرحت بورعٍ سمته
سعود العصيمي
مرزوق اله عندي وعند اهل الوفاء قدر ومقام = واللي سواتك مايلقي يم باله همته
مانته بناقص طلقة من ناري اللي فالحزام = ليت الوليد ايريّح سليطين قبل ايشمته.
شاعر الحفاه
أليا تسمعنا علوومك يالعصيمي ياااسلام =وانته تعذرب فيه وعلومك بكبدة سمته
من الغباء تمشي لصنعاء من ظهر والدرب شاااام =أبليس يوم اعطى عجوزه علم ضايع ضمته