العازمي
يابن مطلق خليفه ضايقوك الربع وانته صح = صحيح اسمك خليفه مار فيك الشك والريبه
بعد قابلت قابل ياخليفه لان اقللّك رح = انا افرح لا لقيت الشاعر الجيّد من اعتيبه
خليفة مطلق
ياعيد اليا عصيت امر الخليفه قالوا إلك اقمح= يبا يدبك حتى رمش عينك ينقلب شيبه
هذيه قولها للي على مزن السما تنبح=وانا مزنٍ حقوق يسيل منه الضلع وشعيبه
العازمي
اشوف المشلح الاسود ولا ادري من فالمشلح = خليفه ما خليفه حمله الليله يزوزيبه
نوينا نكشف اقناع الوجه لو صورته تفضح = انا ما اقابل الا رجال تعط الحق وتجيبه
خليفة مطلق
مافيه الا شجيعٍ ينقل الباكور والمسبح=على اعلى راس ابو مشعاب قد كسر مشاعيبه
تبا تكشف عن الشبريه اللي تطعنك ياجح=ولا ترتاح لين السيف نجرحك إبمضاريبه
العازمي
يميل الصف والصفين يارجّال مار اصلح = شجيع بلا قبيله مكسبه ياصاحبي خيبه
تقرّب للصميل اللي من النعمه يبا ينضح = صميل(ن) من يغلّق ماه يقدر يدخله جيبه
خليفة مطلق
انا صالح قابل لاشوف راع العود والمروح=ويكفيني يميني ما ارجي الطيب ولا طيبه
صميلك وفره واسبح بحرنا ياغريق اسبح=ترى فرعون قبلك قد لقى في البحر تعذيبه
العازمي
يديني للمراجل طايله فوق اليدين الشّح = يجيني راعي العيبه ويرجع مالي العيبه
اقول الموس يجرح وابن مطلق قال مايجرح = ثلاث امواس في حلقه ولاتنطف لغابيبه
خليفة مطلق
ترى كفتك لو بجنيهنا يالعازمي ترجح=مافيها غير قلة تمر مسوسةٍ مذانيبه
ياسمسم فتّح ابوابك لمثلك في العمار افتح=انا ماني سنينك كبر ابوك الي تماريبه
العازمي
جنيهك وسط عبّك جاك معه اجنيه لو تسمح = فقير ولابسلّك ثوب ماتقدر تصليبه
ياصبرك ياخليفه لو كثر الدح ماقلت اح = تخفّي لو خصمك محرقن وجهك مشاهيبه
خليفة مطلق
جنيهي وسط عبّي وانت خاسر مال ماتربح=تداول سوق الاسهم خسّرك وش عاد تشري به
ياصبري كل ماشرح لك تعيد الترم ماتنجح=تعيد الفصل عشر مرار والساري تغنيبه