الله يعافيك يابن مدهس , وماعليك زود يالقثامي , يقول ابن عمك الشاعر مخلد القثامي , في حضرة ابن رشيد , يعدد بعض افعال عتيبة , منضمنها هذه الموقعة دلعة في قصيدة منها:
حنا عتيبه كم حريب لطمناه=دقلاتنا مثل الخيال الرزيني
وادي الرشا غصب على الناس نرعاه=بشلف رهاف ويقطعن الوتيني
تمرجحي في حمضته واشربي ماه=وتبرهجي يا مقرعات الحنيني
وكم بيت شيخ في نحانا هدمناه=وامسوا مساييره من الخايبيني
وكم راس شيخ عن متونه نطلناه=وراحت تسير به كلاب القطيني
والفصل جا فاربع سنين مسماه=من عقبها سموى القبايل طنيني
منها النهار اللي على الضال واقصاه=من عجه الضلعان عيت تبيني
ومنها نهار فوق (( دلعه )) عبيناه=مع ايسر الهضبه عساها سنيني
وعلى طلال الدم الاشقر نثرناه=يومنهم جونا الضحى سارحيني
وقد اوردها , محمد العلي العبيد , في مخطوطته , النجم اللامع للنوادر جامع...
وتقبل تحياتي