قادح شرار
الجذع يا ربعنا شاعر خبير ٍ بالسياسه = مير أبعرض له قضية جايته من بحر جده
خايف إنه تأخذه يا ربعنا بعض الحماسه = ثم يبلش بالبحر ما بين جزره ثم مده
سلطان الجـذع
اعرض الدعوى على اللي من زمانه شاب راسه =وان عطاك العلم ياقادح شرار اخذه ووده
العليل اللي سقيته سم داب بربع كاسه =طير ابرق لو تهده فالمغازي ماتعده
قادح شرار
شايب ٍ غاص البحر يا لين غرّق له لباسه = سلّمه ربي من الموت المحقق يوم حده
مير بعض الناس لا حس الخطر يومي بفاسه = يرتقب للموت من كل النواحي ..وإله مده
سلطان الجـذع
انت لو انك تسوي لك على الواقع دراسه =مابه بعيرٍ تشوفه غير وسمي فوق خده
مير فيها لاتحّكم خل للتحكيم ناااسه =لاتلبس ياطويل العمر ثوبٍ ماانته قده
قادح شرار
ما عليك خلاف شاعر لا لقاله داب داسه = مير لا جاك الشتاء نخشى عليك يجيك برده
مير لا حان الوعد بحرسك من يمه حراسه = والبحر لا فاض لو يلقى جدر يمكن يهده
سلطان الجـذع
الغشيم اللي يبي يغرف بحر جده بطاسه = ((ماله الا سيف ابو طالب على حلقه نحده ))
انت لو تبغى تقيس العلم ماتعرف قياسه = إربحوك اهل المسامه وخسروك اهل الاشده
قادح شرار
الغشيم اللي يبا يــِدخل جمل في وسط كاسه = ليته يوسّد براسه يا عرب فوق المخده
تحسب إنا مثل من ذاق العشا بعدين حاسه = والخطر مقبل مع الأيام وأحسب له وعده