الصاطي,,
سلام لله على العتبان من جده ليا الدمام= وعلى كل الديار اللي عتيبه سيرو فيها
قبيله طيبه يشهد لها التاريخ والأيام=لكن العنصريه في عتيبه ماتخليها
بندر المرشدي
هلا باسم الرجال الي وفاهم حطم الارقام=ليا ذكرت فعول الطيب حاضرها وماضيها
يخلطون التعنصر بالحمية تالي الاعوام=رجال ماتعرف من الأخيرة غير طاريها
الصاطي,,
يدوم الك البقا يالمرشدي لا تقرب الألغام= ترى الألغام منت اللي على كيفك مسويها
بغيتو تاصلون الشمس يوم ابليس معكم حام=لكن الشمس جمره والطيور البرق يشويها
بندر المرشدي
تراني مبطلا مفعولها ياصاحبي قدام=تجيني بالنصيحة مار خلك محتفظ بيها
وصلنا للهدف والحظ في شتى المواقف قام=على ذروة سنام المجد نسسها ونبنيها
الصاطي,,
عطيتك علم يا بندر على حكمٍ من الأحكام= نصيحه والنصيحه كانت العربان تشريها
هدفك اللي وصلته يوم فالصحراء بنيت اخيام= تسوق الجرب وتصور موخرها وذانيها
بندر المرشدي
عطاني ربي الحكمة وعندي للأمور الهام=علومك خلها لك وانت كاتبها وقاريها
تجمعنا على عز وشرف بمباركة حكام=وبعض الخلق ما أحدٍ في تجمعها بناصيها