خوي السعد=
في منتدى الهيلا هل الطالات والفعل المهيل=سلام والتسليـم سنـه يـوم رده واجبـه
غير العميل اللي يسد النوب مانبغى عميل=مثل المدير العام ولا مثل حضـرت نايبـه
سعود العصيمي=
في منتدى الهيلا كعام القوم مزبنة الدخيل=يامرحبا من شاعر يكفي رجـالٍ غائبـه
مد الجزيل ومن حزامي مانمد الا الجزيل=والمخطية ماهي لنا سلم الولد من شايبه
خوي السعد=
دام البقا يالشاعر اللي تعتقـد مالـك مثيـل=والمخطيه ياصاحبي ماهيـب مثـل الصايبـه
اكرب حزامك واحسب حسابك مع الخط الطويل=الوقـت هـذا يالعتيبـي تذهلـك عجايـبـه
سعود العصيمي =
شكر الحريب اللي يحاربني على السيف الصقيل=هذا عطآ مـن واحـدٍ مـا تنحصـي وهايبـه.
الوقت هاذي سيرته مابين حـط وبيـن شيـل=وانته وش اللي معك من علـم تشيلـه جايبـه
خوي السعد=
لاتجرد اسيوفك على الاقراب ياهذا العميل=لابارك الله في قريب (ن)ماحتـرم قرايبـه
العلم واصلّك لكن احرص على الرد الجميل=واطلب من الله فيك ظني ماتعـوّد خايبـه
سعود العصيمي=
المعركة من طبعهـا زنـدآ يولـع فالفتيـل=لابارك الله فالقريب اللـي يجيـب الخايبـه
خل المحايل والحيل لاهل اللبن واهل الصميل=واهل العيون الرايبه عند العيـون الرايبـه
خوي السعد=
انته كما اللي يدعم القاتل ويبكي للقتيـل=اثر النجاسه وسط دمك يالعصيمي ذايبـه
احداك للدرب السوي وانته على اللفه تميل=ام الكباير لو تتوب الناس ماهـي تايبـه
سعود العصيمي=
اثرك سوات اللي يغذي مـخ راسـه عـرق ذيـل=اللي علـى الوجهيـن لعبهـا فلانـي هايبـه
انا اعرف الدرب السنع من غير ماتحضر دليل=وانت تحاول فالهـدف لكـن مانـت بصايبـه
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|