المرشـ ساطي ـدي
عساك ياصاحبي معجب لقيت الذهيب= اللي سرى ليلة البارح ولا شفته
حاجه غريبه ولا مع مشرفينا غريب=جهد(ن) بذلته وبعد اللي حصل عفته
معجب العتيبي
ياصاحبي خلك مع الناس واعي لبيب=لاتكون فرحان بالمقفي ليا طفته
الخير موجود والمرضان يلقى طبيب=ولاحدٍ يخالف نظامه لابدا شفته
المرشـ ساطي ـدي
تلف عنها يابو سلطان منته مجيب=كم واحد جاك يشكي وانت صرفته
نعم المصلين لكن البلا في الخطيب=يخطب على المنبر بثوبه ومنشفته
معجب العتيبي
عزالله اني ماحب اللفلفه يالحبيب=-ياليت عقلك من الهوجاس نظفته
نمشي على سنه وقانون ماهو غريب=ولانلتفت للخطا و الناس ملتفته
المرشـ ساطي ـدي
من يستمع في علومك قال شي عجيب= الاول ملفقه والثاني احرفته
خرفت يا معجب وشيبت قبل المشيب=ويش الذي شفته من المرشدي خفته
معجب العتيبي
جبت الحقيقه واشوف الذيب يقنب قنيب=ماعوّد الذيب لو الذيب لاطفته
الشيب مافيه ياساطي علينا معيب=حتى لو ان الكلام الصدق خالفته