[الباااسل]

بسم الله الرحمن الرحيم
أنقل لكم محاوره جميله جمعت النجمين
حزام العصيمي وتركي الميزاني


حزام

هلا مرحبا مليون بضيـوف عبـود=حليف الندا معطي كبـار العطايـا
واخص الشيوخ اللي بهم يفخر الجود=شيوخاً رقوا بالمجـد روس العلايـا

تركي

يدوم البقا والطيب فالناس موجود=وحسن العمل يوخذ بحسن النوايا
والا يالعصيمي عقب ماهبّت النود=قضيّة زمانك من كبار القضايـا

حزام

ياتركي ترا الدعوى لها قيس وحدود=والإنسان في دبرة وكيـل البرايـا
يدور الزمان ويخلط البيض والسود=لكّن إنتظـر حتـى تبيـن الخفايـا

تركي

ترى مايجي منّا خطيه ومنقود=يبى يتعبون مدوّرين الخطايـا
والا ياعميلي بعد مادخّن العود=لعلّك بعد بكره تصف السرايا

حزام

ليا صار حبل العز للناس ممدود=عقدنا النوايا والنوايـا مطايـا
لو البنادم يعرف النقص والزود=ماقدّم يدينه في حلوق الحيايـا

تركي

لكّن البلا لن عوّد الحبل معقـود=ولا ينفع الرجّال ضحـك الثنايـا
لو ان الولد يمشي على جرّة العود=ماشفنا جنون الارض بين الزوايا

حزام

ترى العقد له حلاّل والريع مقعـود=يحلّونـه اللـي يخلفـون الهقـايـا
تشوف الخيال ووسطه بروق ورعود=وهدّاج ياتركـي يـروّى الضمايـا

تركي

حزاماً بلا بارود وحزام بارود=ليا جا نهار ملافحـات السبايـا
لعلّ الخيال اللي مقاديمه تقـود=يخيّل من عشيره لا سبت العلايا

/// إنتهت المحاوره ///