ناصر الجلاه
هلا يامرحبا ترحيب فيه امن النفل والعود=على الحضار وأهل الدار مصداره وميراده
يامقعد كان ماتعرف من الاصحاب غير سعود=تقدم للجلاه الليل ميعادك وميعاده
مقعد الدغيلبي
يدوم الك البقى ياللي ترحب والصدور ورود=تحيزم واحتزم والنار شعاله ووقاده
ياناصر لاتقول العلم غير مثبته بشهود=ترى للنوق حمايه ترى للكون رواده
ناصر الجلاه
حزامي مايوهقني نهار الملح والبارود=ينومسني نهار القوم صباحه وهجاده
أنا أقول الحقيقه دون شكه والاسود اسود=وابوطايل وابوفيصل وكلٍ يعرف شداده